Popular Bible Verses from Aroma 8

Share

Tisadziwa kuti pinthu pyonsene pisaphedzera udidi kuna ale anafuna Mulungu, ale adacemerwa kuti picitike ninga mudafunira Mulungu.

Thangwi ndisatawira kuti kufa, peno kukhala m'maso, peno maanju, peno mizimu ya kuipa, peno pyacincino, peno pinafuna kudza, peno mphambvu zinango, peno pyakudzulu, peno pyapantsi pa mataka, peno pinthu pinango pyakulengwa, nkhabe cibodzi cinakwanisa kutimwazanisa pa kufuna kunaticita Mulungu, muna Kirixtu Yezu Mbuya wathu.

Sawa-sawambo na Nzimu Wakucena, usatiphedza pa kupolola kwathu, thangwi ife nkhabe dziwa kuphembera ninga munafunika, mbwenye Nzimu ubodzi-bodzi usatiphemberera mbubulira na mafala akukhonda kulongeka.

Tinalonganji mphapo pa pinthu penepi? Ngakhala Mulungu ali na ife, mbani anafuna kutikunda?

Na tenepo, cincino ale ali muna Kirixtu Yezu, nkhabebve thangwi yakukoneswa nayo.

Thangwi manyerezero a nyama ndi kufa, mbwenye manyerezero a Nzimu Wakucena ndi upulumuki na ntendere.

Mbwenye pa penepi pyonsene, ndife anyakukunda kupiringana anango, na thangwi ya ule adatifuna.

Thangwi ine ndisadziwa kuti nyatwa zinaona ife cincino, nkhabe kudza kakhala sawa-sawa na mbiri inafuna kudza kapangizika mwa ife tayu.

Mbani anakwanisa kutimwazanisa pakufunana na Kirixtu? Ndi nyatwa, ndi kutsukwala, ndi kuchingwa, ndi njala, ndi usiwa, ndi kugopsa, peno ndi tarasada?

Mphapo ule anasaka kudziwa piri m'mitima mwathu, asadziwa ndi ninji pinafuna Nzimu, thangwi Nzimu Wakucena usaphemberera mbumba yace ninga munafunira Mulungu.

Thangwi onsene anatsogolerwa na Nzimu wa Mulungu ndi ana a Mulungu.

Ale anakhala mu nyama, ndzeru zawo zisanyerezera kucita pinafuna nyama, mbwenye ale anakhala mu Nzimu Wakucena, ndzeru zawo zisanyerezera kucita pinafuna Nzimu Wakucena.

Ule adaleka kukhondesa Mwana wace ene kuti atifere, mbwenye mbampereka na thangwi yathu tonsene, anakhonda tani kutipasa pezi pabodzi pene na Iye, pinthu pyonsene?

Nzimu unowu wa Mulungu ndiwo unaticitira umboni kuna nzimu wathu, kuti ife ndife ana a Mulungu. Ngakhala ndife ana a Mulungu, na tenepo ndifembo ana a unthaka. A unthaka a Mulungu, pontho ana a unthaka pabodzi na Kirixtu. Ngakhala taona nyatwa pabodzi na Iye, tinapaswambo mbiri pabodzi na Iye.

Na thangwi eneyo, manyerezero a nyama asaidana na Mulungu, thangwi nkhabe kubvera Mwambo wa Mulungu pontho nkhabe kwanisa kuubvera.

Pyonsene pidalengwa na Mulungu, pisadikhira na kufuna kukulu ntsiku eneyi inafuna kudza kapangisa Mulungu ana ace.

Thangwi tisadziwa kuti pyonsene pidalengwa, mpaka lero pisabulira ninga nkazi wakubva kupha pakufuna kubala.