Popular Bible Verses from Salmos 18

Share

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Diosan thaquipajj chekapawa, Tatitun arsutanacapajj take chuymamp iyawscayawa, Diosajj jupar take chuymamp alcatirinacarojj imascapuniwa.

Tatay, jumaw jach'añchatäñatac asquïtajja: art'asinsma ucapachajj uñisirinacajjat khespiyista.

Llaquisiñajjan Tatitur art'asta, Diosajjat yanap mayista: jupasti templopatpach ist'anitu, arnakasitajjajj jinchupcamaw puri.

Tatay, jumaw nayarojj khan churista, Diosajjay, jumaw arum ch'amacajjar khantaytajja.

Diosaw nayarojj ch'am churitu, juparaquiw sarnakäwejjar k'om tucuyi

¡Tatitojj jallallatäpan! ¡Arjjatirejjajj kollanäpan! ¡Khespiyir Diosajjajj jach'añchatäpan!