Popular Bible Verses from Números 22

Share

Ucapachaw Tatitu Diosajj kachu asnorojj parlayäna, asnosti Balaamarojj sänwa: —¿Cunsa nayajj camachsma? Acampejj quimsa cutiw nayarojj jawk'jista —sasa.

Ucatsti Tatitojj angelaparuw Balaamampi uñjayäna chica thaquin sayasquiri mä espada ayt'asita. Ucapachasti Balaamajj oraker puriñcamaw p'ekep alt'asïna.

Ucampisa Tatitu Diosan angelapajj juparojj sänwa: —¿Cunatsa jumajj quimsa cuti kachu asnomarojj jawk'jta? Nayaw jutta jumar thaqui jist'antiri, saräwimajj nayataquejj jan walïtap laycu.

Ucampis asnojj sänwa: —Take jacäwimanwa nayajj qhumnaksmajja, ucsti sum yattajja, janiw nayajj uqham lurirïcti jumampejja —sasa. —Ucasti chekaw —sasaw Balaamajj saraquïna.

—Jumajj nayatwa phiscasisquistajja. Mä cuchillotejj amparajjan utjitaspa ucqhajj anchhitpachaw jiwayirisma —sasaw Balaamajj saraquïna.

Cunapachatejj asnojj Tatitun angelaparu uñjcän ucqhajj orakeruw liwitattäna; ucat Balaamajj wal colerasïna, asnorojj mä lawampiw jawk'jäna.