Popular Bible Verses from Números 21

Share

Tatitusti sänwa: —Mä catari lurasim, ucatsti mä lawar warccatam. Cunapachatejj cawquïrisa catarin achjatäni ucqhajj uñtpan uca warccatata catariru, ucatsti janiw jiwcaniti.

Moisesasti mä catari broncet lurassina, mä lawaruw warccatäna. Cunapachatejj cawquïrisa catarin achjatäna, ucasti broncet lurat catariruw uñtäna ucatsti janiw jiwcänti.

Ucatsti Dios contra, uqhamarac Moisés contraw parlañ kalltapjjäna aqham sasa: —¿Cunatsa jumanacajj Egiptot irpsunipjjesta? ¿Wasaran jiwarañataquiti irpsunipjjesta? Janiw umasa, mank'as utjapquituti. Nanacasti aca mank'ampejj amjayasjjapjjaractwa —sasa.

Ucat Tatitojj jiwayir catarinacwa apayanïna, ucanacasti jupanacarojj achjaränwa; walja israelitanacaw jiwararaquïna.

Ucatwa jakenacajj Moisesan ucaru sarapjjäna, aqham sasa: —Jucha lurapjjta Dios contra, uqhamarac juma contra parlasajja. Tatituruy mayim aca catarinac apakjjañapataqui —sasa. Ucatwa Moisesajj Tatitur mayïna israelitanacar perdonañapataqui.