Popular Bible Verses from Eclesiastés 2

Share

Chekpachansa Diosaw churi yatiña, uñt'aña, uqhamarac cusisiña qhititejj jupatacjamäqui ucaru; ucampis jucharar jakerojja lurañwa churi apthapiñataqui, uqhamarac imasitanaca montonañapataqui, ucatsti qhititejj jupatacjamäqui ucar churjjañataqui. ¡Acasti inamayaquiraquiwa, thayarus catthapï siscsna uqhamaquiwa!

Jakejj mank'asispa, umasispa, uqhamarac luratapampisa cusisiraquispa uqhamanwa asqui luraspa. Amuyt'aractwa acajj Diosataraqui jutatapa. Jan jupäspa ucasti, ¿qhitirac mank'aspa, cusisiraquispasti?

Ucat nayajj lup'ista take luratanacajjata, uqhamarac kawkha ch'amatejj apsutäqui ucanacatsa, ucatsti amuyasiractwa take ucanacajj inamayaquiwa, thayarusa catthapï siscsna uqhamaquiwa, ucatjja janiw cuna asquis aca orakenjja utjquiti.

Cuntï muncäyäta ucjja luräyätwa; cunampitejj cusisiñ muncäyäta ucampejj cusisïyätwa. Chuymajjanjja take luratanacajjatwa cusisïyäta, ucatsti uca cusisiñawa nayan pagojjäna.

Ucatjja nayajj uñjtwa yatiñajj juc'amp asquïtapa, pisi amuyt'anïñat sipansa, cunjämatejj khanajj juc'amp asquïqui ch'amacata sipansa uqhama.

Yatiñanejja sumwa nayrapampi uñatati, ucampis pisi amuyt'anejja ch'amacanjamwa sarnake. Ucampis amuyaractwa paninpacharusa pachpaquiraquiw suyt'asqui

Maynejj yatiñampi, uñt'añampi, suma luraña yatitampi luratapajja jaytjjañataquiquiwa, qhititejj jan lurcäna take ucanaca jupan catuntasiñapataqui. ¡Acasti inamayaquiwa, uqhamarac jach'a jan cheka luräwiraquiwa!