Popular Bible Verses from Eclesiastés 1

Share

Chekpachansa sinti yatiñanïñanjja, janiw samarañajj utjquiti; juc'ampi yatiñanïñanjja juc'ampi t'akhesiñaquiw utjaraqui.

Cunatejj nayrajj utjcänjja ucaquipunïniwa, cunatejj nayrajj lurascänjja ucaquiw lurasini. ¡Aca orakenjja janiw cunas machakatjj utjquiti!

Take acanacampi wali amjasjjatapatjja janiw qhitis ch'amanjamäquiti arsusiñataqui; janiw qhitis sisthapquiti uñjañanjja, janiraquiw ist'añansa, uqhamata phokt'ata cusisiñapataqui.

Acanacawa Davidan yokapa yatiyirina arsutanacapajja, jupasti Jerusalenan reyipänwa: “¡Inamayaquiwa, inamayaquiwa! ¡Take cunas inamayaquiwa!” Aca oraken wali irnakasinjja, ¿cuna ascsa jakesti jicjjati?

Ucatsti nayajj amuytwa cunanacatejj aca oraken lurasqui ucanacajja inamayaquiwa, thayarusa catthapï siscsna uqhamaquiwa.

Mayninacajj nacipjjewa, mayninacasti jiwapjjaraquiwa, ucampis orakejj janipuniw mayjt'quiti.

Pasjje uca yänacajja armatäjjewa, uqhamaraquiw jutiri yänacasa armatäjjani, cunanacatejj jutir urunacana ucjjar jutcani ucanac taypina.

Ucatsti nayajj chuymajjanjja sistwa: “Acajj nayajj jach'aruw tucta, uqhamarac qhitinacatejj Jerusalén marcana nayat nayra reyïpcäna ucanacat sipansa, juc'amp yatiñaniraquïtwa; ucatsti takew catuyasiracta juc'amp yatiñanïñataqui, uñt'irïñataquisa, uqhamarac pisi amuyt'anïñataqui, ucatsti pisi amuyt'anjama parlañataqui, take ucanacasti amuyatajjatjja thayarusa catthapï siscsna uqhamaquiwa” sasa.