Popular Bible Verses from Deuteronomio 11

Share

Uqhamaraqui wawanacamarojj yatichapjjam uca arunacata utamanccasina, thaqui sarcasina, uqhamaraqui iquintañataqui, iquiñat sartañataquisa.

“Ucatsti aca arunacajja chuymanacamaru, p'ekenacamaru uchapjjam, uqhamaraqui amparamarusa, paramarusa, mä chimpur uñtata uchasipjjam.

“Jumanacatï Diosan camachi arunacapa jichha uruna churapcsma ucanaca phokhapjjäta, ucatsti Tatitu Diosamaru munapjjaraquïta, take chuymampi yupaychapjjaraquïta take jacañamampi ucqhajj, juparaquiwa horasapar apayanipjjätam nayra jallsa khepa jallsa, jumanacan trigo, aceite, vino apthapipjjañamataqui.

“Jumanacasti Tatitu Diosamarojj munapjjam, ucatsti ewjjanacapjja phokhapjjaraquim, leyinacapa, arsutanacapa camachi arunacapsa.

“Jichha urunwa nayajj bendicionampita maldicionampita ajllisiñanacamatac churapjjsma. Bendicionsti catokapjjätawa, jumanacatejj Tatitu Diosaman camachi arunacapa phokhapjjäta, cawquïrtejj jichha urun churapcsma ucanaca, ucapacha; maldicionsti catokapjjaraquïtawa, jumanacatejj yakha jan uñt'at diosanacaru arcasina, Tatitu Diosan camachi arunacaparu jan phokhapcaraquïta, ucatsti thaquipatsa sarakapjjaraquïta, cawquïri ewjjanactejj jichhüruna churapcsma ucanacata, ucapacha.

Ucatsti kellkantaraquïtawa uta mantañan postenacaru, uqhamaraqui utaman puncunacaparusa; uqhamata jumanacasa, wawanacamasa walja maranaca jacapjjañamataqui cawquïri oraktï Diosajj awquinacamaru churañatac arscäna ucan walja urunaca jacapjjañamataqui, cunjämäquitï alajjpachajj acapach orakjjana uqhama.

Ucampis jan jumanacpacha engañasipjjamti, janiraqui Diosata armasimti ni yakha diosanacarus yupaychapjjamti ni jupanacarus alt'asipjjaraquimti