Popular Bible Verses from 2 Reyes 5

Share

Mä chachaw Naamán sat sutini utjäna, jupasti Siria marcana reyin ejercitopana mä generalänwa, uqhamaraquiw jupajj reyina asquit uñjata, munataraquïna, jupa tokew Tatitojj Siria marcarojj atipt'ayäna uca laycu. Ucampis aca chachajj lepra usumpi usutänwa.

Ucampis Eliseojj mä yatiyirwa qhitäna, aqham sañapataqui “Saram Jordán jawiraru, pakallk cuti jarisim, ucatsti janchimajj k'omachatäjjaniwa” sasa.

Naamán chachasti Jordán jawiraru sarasinjja pakallk cutiwa uma mankhar chhaktäna, cunjämtï profetajj siscäna uqhamaru, ucatsti janchipajja mä wawan janchipjamawa tucuwayjjäna, k'omachatäjjaraquïnwa.

Naamanasti colerasïnwa, ucatsti sarawayjjänwa, aqham sasa: “Nayajj sayätwa: ‘Mistunchiniy nayar catokeri, ucatsti sayt'asisin Tatit Diosaparuy art'chini, ucatjja amparapampi usutäqui ucqhar lokjjatasina lepra usut kollchitani’ sasa.

Ucampis uywatanacapajj jupar jac'achasisinjja, aqham sapjjänwa: —Tata, profetatejj mä ch'ama luraña chuririscätam ucajja, ¿janiti jumajj lurcasamänjja? Ucat sipansa juc'amp asquipï: ‘Jarisim’ sisctam ucatjja k'omachatäjjätajja —sasa.

Aca tawakosti uywiriparojj sänwa: —Uywirejjatejj saraspan Samariancqui uca profetaru uñjiri ucajja, c'umarachatäjjaspawa lepra usupatjja —sasa.