Popular Bible Verses from 2 Reyes 4

Share

Eliseosti juparojj jisct'änwa: —¿Cuns juma laycojj luriristjja? Sita cunas utaman utjtam —sasa. Jupasti ucjjarojj sänwa: —Aca sirvirimansti janiw cunapas utapan utjquiti, jan ucasti mä juc'a mank'añ aceitequiw jisc'a chatun utjitu —sasa.

Mä warmiwa utjäna, profetanacat maynïri profetan warmipa, jupasti saränwa Eliseon ucaru aqham sasa: —Chachajjajj jiwjjewa, jumasti yattawa jupajj Tatituruwa jach'achäna. Jichhasti kollke mayt'apquitäna ucasti, jutasinjja pani wawajjaruwa esclavota apasjjañ muni —sasa.

Ucatsti Eliseojj sänwa: —Jichhasti saram, ucatjja uta jac'amanquirinacamata mä kawkha chatunaca mayt'asinim, ¡kawkhacamatï chatunaca jicjjatañjamäqui ucqhacama!

Ucatjja utamaruwa mantäta wawanacamampi chica, ucatjja uta puncu jist'antasisinjja take chatunaca aceitempi phokharam, phokhanacäqui ucsti yakha chekaruwa uchäta — sasa.

Cunapachatï take chatunacajj phokhacamäjjäna ucqhasti, warmejj maynïri wawaparojj sascaquïnwa: —Yakha chatumpi apasincaquim —sasa. Ucjjarusti wawapajj sänwa: —Janiw juc'amp chatojj utjcjjeti —sasa. Uca horasanwa aceitejj tucusjjaraquïna.

Ucjjarusti warmejj profetan ucar sarasinwa yatiyanïna, ucatsti profetajj juparojj sänwa: —Jichhasti saram uca aceite aljiri, ucatjja manuma phokjjam, ucat jilt'äqui ucampisti jumana, wawanacamana jacapjjañamataquïniwa —sasa.

Warmejja Eliseot sarakawayasinjja, wawanacapamp chicaw utaparu jist'antasïna. Ucatsti jupajj kalltänwa phokharaña wawanacapajj chatunaca churapcäna ucanacaru.

Ucatjja iquïña patjjaru maqhatasinjja, wawjjaruw wincjjatäna lacapsa, nayranacapsa, amparanacapsa wawanquirjjaruw uchäna, wawjja jupan jac'aparuw khomthapïna. Wawasti juc'at juc'at junt'utatañ kalltäna.