Popular Bible Verses from LITSUSHITSWA 6

Share

Muyaanze Mwami Nyasaye, uli Nyasaye wenyu nu mwoyo kwosi, ni liiva lienyu liosi, khandi ni tsingulu tsienyu tsiosi.

Mwechitsi vaana venyu malako kenako. Kakalushili lwa muvetsanga numuli ingo wenyu, khandi numuli khu luchendo, lwa muvetsanga numuhulukha khandi lwa mukholanga muhinzilu kwenyu.

Muvuli khwivilila malako ka muheetsanga nunundi.

“Munyi Vaisraeli, muhulishitsi makhuva yaka! Mwami Nyasaye, uli Nyasaye weru, neye Mwami Nyasaye wonyene.

Mukavohe khu makhono kenyu khandi mukafwale khu vweni vwenyu, khuli shimanyilu shiu khwitsushitsilakhu.

Kahandichi khu tsifulemu tsi miliango chi tsinzu tsienyu nende vilivwa venyu.

Muliitsa khuha Mwami Nyasaye, uli Nyasaye wenyu luyali; mumurumishile, nu khwisuuha khuvirila khu lira lielie lionyene vutswa.

“Lwa Mwami Nyasaye, uli Nyasaye wenyu, aliitsa khumulera mu shivala, shia yali niyalaaka aliitsa khuha vakuuka venyu Aburahamu, Isaka nende Yakobo -- shivala shili na mataala makali malahi ka munyi mwakhumbakha, tsinzu tsitsula vindu vinyishi lukanu, na lukanu via mwakhavikhamu, visima via mwakhayeeva, khandi milimi chi misabibu nende misayituni, chia mwakharaaka tawe; lwa muliitsa khuliakhu khandi muve numwakhikura, muve vacheli khulu khuvula khwivilila Mwami Nyasaye, wamurulitsa mu shivala shia Misri, shivala shia mwamenyanga mu vurukwa.

“Yaka nako malako, mechitso nende mivaalo ku Mwami Nyasaye, uli Nyasaye wenyu yambolela mwechitsi; lwa muliitsa khuva numuli mu shivala, shia muli himbi khutsia khwinjila khumenyamu. Khumatukhu koosi ka muliitsa khuva numushili mwoyo, munyi nende vitsukhulu venyu muliitsa khuha Mwami Nyasaye, uli Nyasaye wenyu luyali; khandi muliitsa khulonda malako keke, ka muheetsanga koosi, mu limenya mu shivala shienesho khumatukhu manyishi.

Mukhole likhola liu vulunji nende malahi imbeli wu Mwami Nyasaye, mumenye limenya lilahi; khandi mulinjila mu shivala shilahi, shiu Mwami Nyasaye yalaaka aliitsa khuha vakuuka venyu shichila munyi

Niiva muliitsa khusaala khu vanyasaye vandi, Mwami Nyasaye aliitsa khumuvukulila vurima vwakhanga, khuli mulilu nu khumutivitsa; shichila Mwami Nyasaye, wumenyanga mu munyi, nu wi lishiendekha.

Muvuli khusaala khu vanyasaye vandi; khali mulala khu vanyasaye va vandu vamumenyanga navo.

“Muvuli khuchelitsakhu Mwami Nyasaye, uli Nyasaye wenyu, khuli mwakhola numuli mu litaala lia Masa.