Popular Bible Verses from LITSUSHITSWA 5

Share

“‘Uhe tata wowo nende mama wowo luyali, uhindile mu shivala shiu Mwami Nyasaye, uli Nyasaye wowo atsitsanga khumuha.

Mulonde shia shindu shiosi shiu Mwami Nyasaye, uli Nyasaye wenyu yamuvoolela mukhole; khu mutsililile khuva mwoyo, mumenye limenya lilahi; khandi mutsililile khumenya khumatukhu manyishi mu shivala, shia mutsitsanga khumenyamu.

Uliitsa khuvula khuchinamila inoho khusaala khu misambwa chenecho; shichila ninzi Mwami Nyasaye, uli Nyasaye wenyu, nashila lishiendekha. Salilitsanga vaana shichila vwoni vwa vivuli vavo, khutukha khu likhula lia khavaka nende lia khane; Navutswa niitsa khumanyinya vuyaanzi vwanje vwi mihika ni mihika khu vandu va makhula tsiheelefu, yavo vanyanza khandi valondanga malako kaanje.

“‘Uvuli khwilombelakhu musambwa kwosi, khusasa shia shindu shiosi shili mwikulu inoho hasi khulilova inoho mu matsi hasi hi lilova.

“‘Uvuli khusaalakhu khu nyasaye wundi khumeeta khwinzi.

“‘Uvuli khurumishilakhu munjila indamanu lira liu Mwami Nyasaye; shichila ninzi Mwami Nyasaye, uli Nyasaye wowo. Niitsa khusalilitsa shia mundu wosi wurumishilanga munjila indamanu lira lianje.

Nakhikombi vavetsenje ndio shia khase khosi! Nakhikombi vambetsenje shia khase khosi luyali, khandi valonde malako kaanje koosi, khu vamenye limenya lilahi halala na vitsukhulu vavo mihika ni mihika.

“‘Ukhole katushili khulitukhu li Lisabato, nu khulikhola khuva litakatifu, khuli inzi Mwami Nyasaye, uli Nyasaye wowo navoola ukhole.

“‘Uvuli khwikombakhu inzu yu mureende wowo; inoho mukhali wewe, inoho murumishi wewe musatsa inoho murumishi wewe mukhali inoho ing'ombe yeye inoho ipunda yeye, inoho khali shindu shiosi, shiu mureende wowo ali nashio.’

“‘Uvuli khuheeyakhu.

“‘Uvuli khwichishila mureende wowo.

“‘Uvuli khwiirwakhu mundu.

“‘Uvuli khuhuuvakhu.

Uve numanyanga ndi khali yivi wali murukwa mu shivala shia Misri; khandi ndi inzi Mwami Nyasaye, uli Nyasaye wowo, nakhurulitsayo khuvirila khu vunyali vwanje nende tsingulu tsianje. Nashio shivune shichilanga nimbola ukhole katushili khulitukhu lia Lisabato.

Uli na matukhu sita ku khukhola muhinzilu kwokwo kwosi khandi shia shindu shiosi; navutswa litukhu lia saba ni litukhu liu khuhulukha liahaanwa khwinzi Mwami Nyasaye. Uliitsa khuvula khukhola muhinzilu kwosi khulitukhu lienelo, yivi mwene inoho vaana vi shiyayi vovo inoho vaana vovo vi shikhana, inoho varukwa vovo vasatsa inoho vakhali inoho ichilishi yoyo inoho ipunda yoyo, inoho mulala khu miruku chiochio inoho mulala khu vacheni wumenyanga mu litaala lienyu. Khali varukwa vovo valiitsa khuhulukha khuli yivi mwene uhulukhanga.

‘Ninzi Mwami Nyasaye, uli Nyasaye wenyu, wamurulitsa mu shivala shia Misri, wa mwamenyanga mu vurukwa.