Popular Bible Verses from 1 TIMOTHEO 4

Share

Menya ũreke mũndũ o wothe akũire, nĩ ũndũ atĩ wĩ mũndũ mwĩthĩ; nĩ kaba ũtuĩke kĩonereria kũrĩ andũ arĩa etĩkia ũhoro-inĩ wa mĩarĩrie, na wa mĩthiĩre ĩrĩa yagĩrĩire, na wa kwendana, na wa gwĩtĩkia, o na wa gũikaraga na mĩtugo mĩtheru.

amu mũndũ akĩĩmenyeria maũndũ ma gwĩkĩra mwĩrĩ wake hinya kwĩ bata o kahinda, no kwĩmenyeria kwĩamũrĩra Ngai kwĩ bata maũndũ-inĩ mothe, nĩ ũndũ kwĩ na kĩĩrĩgĩrĩro gĩa kũguna mũndũ muoyo-inĩ ũyũ tũrĩ, o na muoyo-inĩ ũrĩa ũgoka.

Wĩmenyagĩrĩre wee mwene, na ũmenyagĩrĩre ũrutani ũrĩa ũrutanaga. Tũũra o wĩkaga maũndũ macio: nĩ ũndũ weka ũguo nĩũkwĩhonokia wee mwene, o na andũ arĩa makũiguaga.

NO rĩrĩ, Roho nĩoigaga, atekũhithĩrĩra, atĩ matukũ marĩa ma thutha, andũ amwe nĩmakeherera ũrutani ũrĩa wa Wĩtĩkio, marũmbũyagie maroho marĩa mahenanagia, na morutani ma ndaimono

no rĩrĩ, ndeto itarĩ cia gũtĩa Ngai, o na ng’ano cia tũhũ ta iria iganagwo nĩ iheti, ũciregage. Wĩmenyagĩrie ũhoro wothe wa kwĩamũrĩra Ngai

Rũmanagĩria ũhoro wa gũthomera andũ Maandĩko marĩa matheru, na wa gũtaarana, o na wa kũrutana, o nginya hĩndĩ ĩrĩa ngoka.