Popular Bible Verses from 1 PETERO 5

Share

Na mũmũrekagĩrĩrie maũndũ mothe marĩa mũtangĩkagĩra, tondũ nĩwe ũrũmbũyanagia na maũndũ manyu.

Nake Ngai mwene Wega wothe, we wamwĩtĩire riri wake ũrĩa ũtagathira nĩ ũndũ wa ũrĩa mũgwatanĩtio na Kristo-rĩ, nĩarĩmũthondeka we mwene mwagĩrĩre kũna, na amũikaragie mũrũmĩte wega, na amwĩkagĩre hinya, mwarĩkia kũnyarirũo kahinda.

Ikaragai mũterigĩtwo, na mwĩhũgage. Atĩrĩ, mũcukani, thũ yanyu, acangaga ta mũrũthi ũkũrarama, agĩcaragia mũndũ wa gũtambura. No rĩrĩ, mũmwĩtiirie mũrũmĩtie ũhoro ũrĩa mwĩtĩkĩtie, nĩ kũmenya atĩ ariũ arĩa angĩ a Ithe witũ mũrĩ thiritũ nao gũkũ thĩ guothe nĩmegũtũũra manyarirĩkaga o ta inyuĩ.

Nĩ ũndũ ũcio-rĩ, mwĩnyihieni mwathĩkage nĩ guoko kwa Ngai kũrĩa kwĩ hinya, nĩ getha akamũtũũgĩria hĩndĩ ĩrĩa njagĩrĩru yakinya.

Ũguo no taguo na inyuĩ mũtarĩ akũrũ, athĩkagai nĩ athuri. Inyuothe-rĩ, ikaragai mwĩhotorete ũhoro wa kwĩnyihia, nĩ getha mũtungatanagĩre inyuene: nĩ ũndũ Ngai nĩareganaga na arĩa etĩi, no arĩa menyihĩtie nĩamakinyagĩria Wega wake.