Popular Bible Verses from 1 AKORINTHO 13

Share

Wendani-rĩ, nĩ gũkiranĩrĩria ũkiranagĩrĩria na nĩũtuganaga; ningĩ wendani ndũrĩ ũiru; wendani ndwĩgathaga, na ndũrĩ mwĩtĩo, na ningĩ ndũrĩ rũtũrĩko, na ndũcaragia ũrĩa ũngĩĩguna guo mwene, o na ndũrĩ marakara, na ndwĩcokagia

Wendani-rĩ, nĩwĩtiiragĩrĩria maũndũ mothe, na ũgetĩkia maũndũ mothe, na ũkerĩgĩrĩra maũndũ mothe, o na ũgakirĩrĩria maũndũ mothe.

ningĩ ndũkenagĩra maũndũ marĩa matarĩ ma ũthingu, no ũhoro ũrĩa ũkenanagĩra naguo no ũrĩa wa ma.

Na rĩu maũndũ maya, gwĩtĩkia, na kwĩrĩgĩrĩra, na kwendana, mo matatũ-rĩ, nĩmo megũtũũra o ho; na ũrĩa mũnene wamo-rĩ, nĩguo kwendana.

Wendani ndũrĩ hĩndĩ ũngĩng’atĩka; no korũo nĩ ũrathi-rĩ, ũcio nĩũkeherio ũthire; na korũo nĩ gũthioma thiomi, icio nĩigatiga gũthiomwo; na korũo nĩ ũmenyi wa maũndũ, ũcio o naguo no kweherio ũkeherio ũthire.

ATĨRĨRĨ, o na ingĩtuĩka atĩ nĩ’thiomaga thiomi cia andũ o na cia araika, na ngorũo itarĩ na wendani-rĩ, no njikare ta ndĩ o kĩndũ kĩa rũthuku kĩrĩa kĩnegenaga kĩaringwo, kana ta thani iria ihũrithanagio ikagamba karagaca!

O na ingĩkorũo nĩ’menyaga kũratha mohoro, na ngamenya maũndũ mothe ma hitho o na maũndũ mothe marĩa mangĩmenyeka, na ngorũo ndĩ na wĩtĩkio o ũrĩa mũthungĩru kinya ngahota gũthamia irĩma, no rĩrĩ, nduĩke ndirĩ na wendani-rĩ, ndirĩ bata o na hanini.

O na ingĩtũũra ndutaga indo ciakwa ciothe cia gũtuga athĩni, o na ingĩheana mwĩrĩ wakwa ũcinwo, na ngorũo ndirĩ na wendani-rĩ, ndirĩ harĩa ingĩgunwo.

Rĩrĩa ndarĩ kaana-rĩ, ndaaragia ta kaana, mũiguĩre wakwa wa ũhoro naguo warĩ o wa kaana, o na gũtarania ndaũtaranagia ta kaana: no rĩu ndanatuĩka mũndũ mũgima-rĩ, nĩndĩkĩtie gũte maũndũ ma wana.