Popular Bible Verses from 1 AKORINTHO 12

Share

No rĩrĩ, mũndũ o mũndũ aheagwo ũndũ wake ũrĩa wonanagia atĩ arĩ na Roho nĩ getha ũndũ ũcio ũgune andũ othe.

Rĩu-rĩ, inyuĩ nĩ inyuĩ mwĩrĩ wa Kristo, nake mũndũ o mũndũ wanyu: nĩ kĩĩga kĩaguo.

Na kĩĩga kĩmwe kĩngĩkorũo gĩkĩnyarirĩka, ciĩga iria ingĩ ciothe nĩinyarirĩkaga hamwe nakĩo. Na kĩĩga kĩmwe kĩngĩkorũo kĩheetwo gĩtĩo-rĩ, ciĩga iria ingĩ ciothe igagĩkenanĩra hamwe nakĩo.

Tondũ wa kũheo nĩ Roho-rĩ, mũndũ ũmwe agĩaga na ũhoro wa kwaria ũrĩ ũũgĩ; ũngĩ akagĩa na ũhoro ũrĩ ũmenyi mũkinyanĩru werekanĩrĩire na wa Roho o ro ũcio; nake ũngĩ akaheo wĩtĩkio, nĩ ũndũ wa Roho o ro ũcio; ũngĩ akaheo ũhoti wa kũhonania mĩrimũ, no ũndũ wa Roho o ũcio ũmwe; ũngĩ nake akaheo ũhoti wa kũringa ciama, ũngĩ ũrathi, ũngĩ ũhoti wa gũkũũrana maroho; ũngĩ gũthioma thiomi, na ũngĩ ũtaũri ahote gũtaũra thiomi icio.

No rĩrĩ, maũndũ macio mothe no wĩra wa Roho o ro ũcio ũmwe, akigayagĩra andũ o ta ũrĩa ekwenda, o mũndũ mwanya, o mũndũ mwanya.

nĩ getha mwĩrĩ: ndũkagĩe na ũndũ ũngĩwamũkania, no atĩ ciĩga ciaguo imenyanagĩrĩre, o kĩĩga na kĩrĩa kĩngĩ.

Na rĩrĩ, iheo iria iheanagwo ciumanĩte na Wega wa Ngai nĩ mĩthemba mĩthemba, no rĩrĩ, Roho mwene cio no ũmwe. Mĩtungatĩre o nayo nĩ mĩthemba mĩthemba, na Mwathani mwene yo no ũmwe. O nayo mĩĩkĩre ya maũndũ nĩĩtiganĩte mĩthemba, ĩndĩ Ngai no ũmwe, ũcio wĩkithagia maũndũ macio mothe thĩinĩ wa andũ othe.

O na thĩinĩ wa kanitha, Ngai nĩekĩrĩte andũ amwe matuĩke o mbere atũmwo, a kerĩ anabii, a gatatũ arutani; na thutha wa ũguo kũgĩe na ũringi wa ciama, ningĩ iheo cia ũhonania wa mĩrimũ, na maũndũ ma ũteithania, na ma ũtabarĩri, o na ũhoro wa gũthioma thiomi.

Amu mwĩrĩ-rĩ, ti wa kĩĩga kĩmwe, nĩ wa ciĩga nyingĩ.

No makĩria mũno, ciĩga cia mwĩrĩ iria cionagwo ii njacu kũrĩ iria ingĩ-rĩ, nĩcio itangĩtigĩka

Mwĩrĩ wothe ũngĩtuĩka no riitho itheri-rĩ, kũigua twakĩiguaga na kĩ? Ningĩ mwĩrĩ wothe ũngĩtuĩka no gũtũ gũtheri gwa kũigua nakuo-rĩ, ĩ kũnungĩra twakĩnungagĩra na kĩ? No rĩrĩ, ũrĩa kũrĩ nĩ atĩ Ngai nĩekĩrire o kĩĩga thĩinĩ wa mwĩrĩ o harĩa endete gĩikare. Na rĩrĩ, ciothe ingĩtuĩka no kĩĩga kĩmwe-rĩ, mwĩrĩ naguo wakĩgĩa ha?