Popular Bible Verses from Zaburi 37

Share

Uitafute furaha yako kwa Yawe, naye atakujalia unayotamani katika moyo.

Umutolee Yawe maisha yako, umutumainie yeye, naye atakufanyia kitu.

Tulia mbele ya Yawe, umungojee kwa uvumilivu; usihangaike juu ya wale wanaofanikiwa, ndio watu wanaojaliwa katika mipango yao mibaya.

Umutumainie Yawe na kutenda mazuri, upate kuishi katika inchi na kuwa salama.

Yawe anaongoza mutu katika njia yake, anamulinda yule anayemupendeza. Hata akianguka, hatabaki chini, kwa sababu Yawe anamuimarisha.

Ataifanya haki yako iangae kama mwangaza wa jua muchana kati.

Usiwake hasira wala kuwa na kasirani; usihangaike, maana hiyo inazidisha ubaya.

Nilikuwa kijana na sasa mimi ni muzee; hata kidogo sijaona mutu wa haki ameachwa na Mungu, au watoto wake wakiombaomba chakula.

Zaburi ya Daudi. Usihangaike kwa sababu ya waovu; usiwaonee wivu wanaotenda mabaya.