Popular Bible Verses from Yoele 2

Share

Yehowa udi wamba ne, Mpindiu mene, nuhingane kundi ne mitshima yenu yonso, jilai bia kudia, dilai, asai miadi.

Ku nyima kua malu â nengitshikishile bantu bonso Nyuma wanyi; bana benu ba balume ne bana benu ba bakashi nebambe malu adi kâyi manze kulua, bakulumpe benu nebalote bilota, bansongalume benu nebamone bikena kumona.

Handai mitshima yenu, kanuhandi hivualu bienu, hinganai kudi Yehowa, Nzambi wenu; bualu bua yeye udi unulesha dinanga ne udi unufuila luse, kena ukuata tshiji lukasa, udi ne luse lujalame lukumbane; udi ukudimuna mutshima wandi bua makenga adiye wamba kutumina bantu.

Halua bualu ebu, muntu yonso watela dina dia Yehowa neasungidibue; bualu bua mu mukuna wa Siona ne mu Yelushalema nemuikale bakuabo bahanduke bu muakamba Yehowa; ne munkatshi mua bantu aba badi bashala nemuikale bakuabo badi Yehowa Ubikila.

Diba nedikudimuke midima ne ngondo neakudimuke mashi, diambedi dituku adi dinene dia Yehowa, didi dikuatshisha bantu buowa, kadiyi dianze kulua.