Popular Bible Verses from Matayi 2

Share

Kubuelabu mu nzubu, kumonabu muana ne mamuende Mariya. Kutuabu binu panshi bua kukukuila muana. Pashishe kusululabu mabuki abu, kupeshabu muana bintu bivuabu bamutuadile: tshiamu tshia mpawungi, musenga wa kamonya, ne manananshi.

Kulelabu Yezu mu musoku wa Betleyeme, mu ditunga dia Yudeya. Tshikondu atshi Erode ke uvua mukalenga wa ditunga. Bamane kulela Yezu, bena meji, bavua balonge malu a mitotu bikole, kufikabu mu tshimenga tshia Yerushalayime, batumine luseke ludi diba dipatukila. Kukonkabu ne: — Muana udibu balele bua kuikalaye mukalenga wa bena Yuda udi penyi? Tudi bamone mutotu wende luseke ludi diba dipatukila. Ke patudi bafike bua kumukukuila.

Bena meji bamone mutotu wenza nanku, kusankabu bikole bipite.

Kadi Mvidi Mukulu kubadimuja mu tshilota bua kabapinganyi kudi Erode kabidi to. Nanku kupinganabu kuabu mu njila mukuabu. Bena meji bamane kumuka, ke mutumibue wa Maweja-Nangila kumuenekela Yozefe mu tshilota, umuambila ne: — Juka, angata muana ne mamuende, uye kusokomena nabu mu Ejipitu. Ushalemu too ne pangakuambila bua wewe kupingana. Bualu Erode neakebe muana bua kumushipa.