Popular Bible Verses from Toango 50

Share

Nsosolo inyo lolangaki wae lonkeelʼobe, lolo Nzakomba aolanga wango wae bobeʼoko bofaningwa bolotsi, wae lima joi liko bantʼauke baikyame, elenge eikʼiyo mbilʼene.

Lolo Yosefa aolakela, “Taloangake. Kamba emi nde nga Nzakomba nde?

Ndʼewelʼeko, taloangake. Emi njifofongʼinyo la bana bakinyo ba tosisi.” Elengʼeko aolacicimyʼete ma, ko aotefela lʼiyo la baoyi ba boya.

Lokeela Yosefa, ‘Tokoonda, tungola batomolo bake lima baoyiʼobe la bosesengano bokiyo, ekʼiyʼokokeelakʼobe.’ Ko aeyoko iso tokoonda, tungola basali ba Nzakomba ea ise ekawe lima baoyiʼobe bakiyo.” Akʼiyʼotefeelakʼende, Yosefa aolela la mpisali.

Ko Yosefa aokela batomolo lʼokune, “Njotutama lʼiwa. Lolo Nzakomba ifobizʼinyo nsosolo, ko ifimolʼinyo lima bokili bone, ko atombʼinyo ndʼokili bokiʼndʼosimbelaka Abalayama la Yisaka la Yakoba nsimbi,”

Bana ba Yisalaele baosimbela Yosefa nsimbi. Ende aokela, “Nzakomba ifobizʼinyo nsosolo, ko lifotomba biese bekami limʼendo.”

Ko Yosefa aowa akiʼndʼokitaka mbula bonkama la jom. Ko baoomba ilaka ikande lʼete lʼaimi, ko baolilʼiko nda sanduku eʼilaka ndʼese eʼEjipeto.