Popular Bible Verses from Romefo 6

Share

Na bɔn akatua nye owu, na Nyankopɔn n’adom akyɛdze nye onnyiewiei nkwa a ɔwɔ hɛn Ewuradze Kraest Jesus mu.

Na bɔn rinndzi hom do tum bio; osiandɛ hom nnyi mbra ase, na mbom hom wɔ adom ase.

Dɛm ntsi wɔnam enuma mu esie yɛnye no wɔ owu mu, ma dɛ mbrɛ wɔnam Egya no n’enyimnyam do nyaan Kraest fii ewufo mu no, dɛmara so na hɛn so yaanantsew nkwa fofor mu.

eso mma hom nngyaa hom nyimpadua mfafakuwa mma bɔn dɛ brakyew edwindadze, na mbom hom mfa homho mma Nyankopɔn dɛ hɔn a woefi ewufo mu tse ase, na hom ngyaa hom nyimpadua mfafakuwa mma Nyankopɔn dɛ tsenenee edwindadze.

Na yenyim dɛ wɔbɔɔ hɛn nyimpa dadaw no nye no mbeamudua mu, ma bɔn nyimpadua no eewu, amma yaannyɛ bɔn nkowaa bio

Dɛmara so na hom mbubu hom ho dɛ hom ewu ama bɔn, na hom tse ase ma Nyankopɔn wɔ Kraest Jesus mu.

Dɛm ntsi afei yɛbɛka dɛn? Ana yɛbɛda ho atsena bɔn mu, ma adom no adɔɔ so anaa? Dabida. Ɔbɛyɛ dɛn na hɛn a yewui maa bɔn yɛbɛda ho atsena ase wɔ bɔn mu?

Ana hom nnyim dɛ onyia hom egyaa homho ama no dɛ nkowaa dɛ hom betsie no no, sɛ bɔn a ɔdze kɔ owu mu dze o, setsie a ɔdze kɔ tsenenee mu o, ɔno a hom tsie no no no nkowaa nye hom?

Na ndaase nka Nyankopɔn dɛ nkyɛ hom yɛ bɔn nkowaa, na afei hom fi hom akoma mu ayɛ setsie ama nkyerɛkyerɛ soronko a wɔdze hom hyɛɛ mu no. Na woeyi hom efi bɔn no nkowaasom ase, na hom abɛyɛ tsenenee no nkowaa.