Popular Bible Verses from Romefo 3

Share

na hɔn nyina ayɛ bɔn, na wɔatɔ sin wɔ Nyankopɔn enyimnyam ho; na wɔdze n’adom nam pon a ɔwɔ Jesus Kraest mu no do bu hɔn bem kwa.

dza ɔyɛ Nyankopɔn tsenenee no a ɔnam Jesus Kraest ho gyedzi do hɛn hɔn a wɔgye dzi nyina mu no, osiandɛ nyiyimu biara nnyi hɔ

Ɔno na Nyankopɔn dze no sii hɔ dɛ mpatadze a ɔnam gyedzi do wɔ no bɔgyaa mu, dɛ ɔdze bɛkyerɛ ne tsenenee, dɛ bɔn a kan no wɔyɛe no ɔama etwa mu, wɔ Nyankopɔn n’abotar mu. Medɛ, ɔdze kyerɛɛ ne tsenenee wɔ ber yi mu, ama nankasa oeedzi bem, na ɔaayɛ nyia ɔwɔ gyedzi wɔ Jesus Kraest mu bembufo.

Osiandɛ ɔnam mbra no ndwuma do a worummbu honam biara bem wɔ n’enyim: na mbra no do na wɔnam hu bɔn mbrɛ ɔtse.

dɛ mbrɛ wɔakyerɛw dɛ, Ɔtseneneenyi nnyi hɔ, ɔbaako mpo nnyi hɔ; Obiara nnyi hɔ a ɔwɔ ntseasee, Obiara nnyi hɔ a ɔhwehwɛ Nyankopɔn ekyir kwan; Hɔn nyina amanaman, hɔn nyina ayɛ dza mfaso nnyi ho; Obiara nnyi hɔ a ɔyɛ papa, oho, nnyɛ ɔbaako mpo.

Dɛm ntsi yebu no dɛ wokwetsi mbra ndwuma no nam gyedzi do bu nyimpa bem.

Dabida: na mbom ma Nyankopɔn nyɛ nokwafo, na nyimpa nyina nyɛ atorfo; dɛ mbrɛ wɔakyerɛw no dɛ, Ama eedzi bem wɔ wo nsɛm mu, Na wobu wo atsɛn a, eedzi nyim.