Popular Bible Verses from Matthew 19

Share

Na Jesus hwɛɛ hɔn see dɛ, Nyimpa afamu na iyi nntum dɛm yɛ, na Nyankopɔn afamu dze, adze biara nnso no yɛ.

Dɛm no na wɔnnda ho nnyɛ beenu bio, na wɔyɛ honankor. Ntsi dza Nyankopɔn dze abɔ mu no, mma nyimpa nntsew mu.

Na obuae see dɛ, Ana hom nnkenkaan dɛ nyia ahyɛse no ɔbɔɔ hɔn no yɛɛ hɔn ɔbanyin nye ɔbaa, na ɔsee dɛ, Iyi ntsi na ɔbanyin begya n’egya nye ne na hɔ, na ɔdze noho akɛbata ne yer ho; na hɔn beenu ayɛ honankor?

Na Jesus see dɛ, Hom mma mbofraba no kwan ma wɔmbra me nkyɛn, mma hom nnsiw hɔn kwan, na woyinom dɛm na sor ahenman no yɛ hɔndze.

Na edzikamfo pii bedzi ekyir na ekyidzifo so pii bedzi kan.

Na obiara a oegyaa fie, anaa enuanom, anaa nkyerɛbaa, anaa egya, anaa na, anaa mba, anaa nsaase, wɔ me dzin ntsi, obenya mbɔho mpɛn ɔha, na oenya onnyiewiei nkwa ayɛ nedze.

Jesus see no dɛ, Sɛ epɛ dɛ idzi mu a, kɔ kɔtɔn dza ewɔ, na fa kyɛ ehiafo, na ibenya akoradze wɔ sor, na afei bra bɛka mo do.

Na ɔsee no dɛ, Ɔyɛ dɛn ntsi na ibisa me papa ho asɛm? Baako pɛ na ɔyɛ papa; na sɛ epɛ dɛ ekɔ nkwa mu a, dzi mbransɛm no do.

Na bio mese hom dɛ ɔyɛ mberɛw ma efupɔnkɔ dɛ obodua doroba enyiwa mu kyɛn dɛ ɔhonyanyi bɔkɔ Nyankopɔn ahenman no mu.

Na mese hom dɛ, Obiara a obegyaa ne yer, na nnyɛ ndwamanyɛ ntsi, na ɔbɔwar fofor no, ɔato awar.

Na Jesus see n’esuafo no dɛ, Nokwar mese hom dɛ ɔyɛ dzen ma ɔhonyanyi dɛ ɔbɔkɔ sor ahenman no mu.