Popular Bible Verses from Matthew 18

Share

Na mbrɛ beenu anaa baasa ehyia wɔ me dzin mu no, nna mowɔ hɔn finimfin.

Bio, mese hom dɛ, Sɛ hom mu beenu yɛ anokor wɔ asaase do wɔ biribi a wobebisa ho a, m’Egya a ɔwɔ sor bɛyɛ ama hɔn.

Na ɔfrɛɛ abofraba bi baa ne nkyɛn, na ɔdze no gyinaa hɔn finimfin, na ɔsee dɛ, Mese hom nokwar mu dɛ, gyedɛ hom dan na hom yɛ dɛ mbofraba, ɔno hom runntum nnhɛn Nyankopɔn ahenman no mu da.

Dɛm ntsi, obiara a ɔbɛbrɛ noho adze dɛ abofraba yi no, ɔnoara na ɔyɛ kɛse wɔ sor ahenman no mu.

Na obiara a ɔbɛgye abofraba a ɔtse dɛm yi kor wɔ me dzin mu no, ɔgye emi mara.

Nokwar mese hom dɛ, Biribiara a hom bɛkyekyer wɔ asaase do no, wɔbɛkyekyer no wɔ sor; na biribiara a hom bɛsan wɔ asaase do no, wɔbɛsan no wɔ sor.

Dɛmara na mo sor Egya bɛyɛ hom, sɛ hom emmfi hom akoma mu ammfa obiara no nua no bɔn annkyɛ no a.

Sɛ hom mu obiara to mbofra nkakraba a wɔgye me dzi yi mu baako fintsidua a, oye ma no dɛ wɔdze ewuyambo kɛse sɛn no kɔn mu, na wɔkɔtow no kyen nsu mu wɔ po bun mu.

Hom dwen dɛn? Sɛ nyimpa bi wɔ nguan ɔha, na hɔn mu baako tɔ gon a, ana onngyaa eduokron akron no hɔ, na ɔnnkɔ nkokwaa do nnkɔhwehwɛ dza ɔayew no?