Popular Bible Verses from Matthew 10

Share

Hwɛ, mosoma hom dɛ nguan wɔ mpataku finimfin: dɛm ntsi hom nyɛ enyansafo dɛ nwɔ, na hom nyɛ krɔnn dɛ mbubur.

Nyia ɔdɔ no nkwa no, ɔbɛyew no; na nyia ɔyew no nkwa wɔ me ntsi no, obohu.

Na mma hom nnsuro hɔn a woku nyimpadua no, na ɔkra dze, wonntum nnku no: na mbom hom nsuro nyia obotum asɛɛ ɔkra nye nyimpadua nyina wɔ amandzehu kurow mu.

Na nyia ɔmmfa ne mbeamudua na ɔnnka mo do no, ɔmmfata me.

Dɛm ntsi obiara a ɔbɔbɔ me dzin wɔ nyimpa enyim no, ɔno na mo so mobobɔ ne dzin wɔ m’Egya a ɔwɔ sor n’enyim. Na obiara a ɔbɛpa me wɔ nyimpa enyim no, ɔno na mo so mebɛpa no m’Egya a ɔwɔ sor n’enyim.

Hom nsa ayarfo yarba, hom nnyan ewufo, hom mma akwatafo ho nsan, hom ntu mbɔnsam: hom enya no kwa: hom mfa mma kwa.

Dɛm ntsi mma hom nnsuro: na hom som bo kyɛn nsorɔm pii.

Mma hom nndwen dɛ mebae mobɔsomaa asomdwee wɔ asaase do: mammba mammbɔsoma asomdwee, na mbom nkrantsee a.