Popular Bible Verses from 1 Korintefo 12

Share

Naaso wɔdze Sunsum edziyi no ma hɔn nyina nkorkor, na aayɛ hɔn mfaso.

Na afei hom yɛ Kraest nyimpadua no nye no ho mfafakuwa nkorkor.

Na sɛ fafakuwa kor hu amandze a, mfafakuwa no nyina hu bi; na eso wɔhyɛ fafakuwa kor enyimnyam a, mfafakuwa no nyina nye no dzi dɛw.

Na wɔnam Sunsum mu ama obi enyansasɛm, obi so nyimdzeesɛm, dɛ mbrɛ Sunsum kor no ara tse: obi so gyedzi, wɔ Sunsum kor no ara mu; obi so yarsa akyɛdze wɔ Sunsum kor no ara mu; obi so etumdzeyɛ; obi so nkɔnhyɛ; obi so esunsum mu nhumu; obi so kasa horow; obi so kasa horow nkyerɛasee

na yinom nyina Sunsum kor no ara na ɔyɛ, na ɔkyekyɛ ma hɔn nkorkor dɛ mbrɛ ɔpɛ.

amma mpaapaamu aammba nyimpadua no mu, na mbom mfafakuwa no eenya ndwendwenho kor no ara ama hɔnho nkorkor.

Na adom akyɛdze horow wɔ hɔ, na Sunsum kor no ara a. Na ɔsom horow wɔ hɔ, na Ewuradze kor no ara a. Na dwumadzi horow wɔ hɔ, na Nyankopɔn kor no ara na ɔyɛ adze nyina wɔ hɔn nyina mu.

Na Nyankopɔn dze binom esisi asɔr no mu: dza odzi kan asomafo, otsia ebien nkɔnhyɛfo, otsia ebiasa akyerɛkyerɛfo, nkyii etumdzeyɛ, na nkyii yarsa akyɛdze, mboa, mpanyindzi nye ɔkasa ahorow.

Na nyimpadua nnyɛ fafakuwa kor, na pii.

Na mbom nyimpadua ho mfafakuwa a wɔyɛ dɛ wɔyɛ mberɛw dodow no hɔn na hɔn ho hia

Na sɛ nyimpadua nyina yɛ enyiwa a, ɔtse no wɔ hen? Ne nyina yɛ ɔtse a, ohua no wɔ hen? Na afei Nyankopɔn dze mfafakuwa esisi nyimpa ho nkorkor dɛ mbrɛ ɔpɛ. Na sɛ hɔn nyina yɛ fafakuwa kor a, nyimpadua no wɔ hen?