Popular Bible Verses from یعقُوب 4

Share

سو خُدا دے تابعیاں ہو جاؤ تے ابلیس نال لڑائی کرو تے اوہ تُہاڈے توں بھج جائے گا۔

خُدا دے نیڑے جاؤ تے اوہ تُہاڈے نیڑے آوے گا۔ گُناہیو۔ اپنے ہتّھاں نُوں صاف کرو تے دو دِلیؤ اپنے دِلاں نُوں پاک کرو۔

خُدا اگّے نِیویں ہوؤ۔ تے اوہ تُہانوں اُچّا کرے گا۔

اوہ تے بُہتا فضل دیندا اے۔ ایس لئی ایہہ لِکھیا ہویا اے۔ پئی خُدا مغرُوراں دا سامنا کر دا اے۔ تے حلِیماں نُوں فضل دیندا اے۔

سو جیہڑا بھلا کرنا جان دا اے تے نئیں کر دا اوہ گُناہ کر دا اے۔

تُسی منگدے ہو پر نئیں مِلدا۔ ایس لئی پئی بُری نِیّت نال منگدے ہو تاں جو اپنی خُوشی وِچ خرچ کرو۔

زنا کرن والیو! تُسی نئیں جاندِیاں پئی دُنیا دی یاری خُدا دا وَیر اے؟ سو جیہڑا دُنیا دا یار بننا چاہندا اے اوہ اپنے آپ نُوں خُدا دا وَیری بناندا اے۔

تے ایہہ نئیں جان دے پئی کل کِیہ ہوئے گا۔ تُہاڈی زِندگی شے ای کِیہ اے۔ ہواڑ جِہیا حال اے ہُن دسی ہُنے گواچ گئی۔