Popular Bible Verses from یعقُوب 3

Share

پر جیہڑی دانائی اُتّوں آؤندی اے اوّل تے اوہ پاک ہوندی اے۔ فیر مِلاپڑی تے حلِیم تے مَت لین والی۔ رَحم تے چنگے پَھلاں نال لدّی ہوئی۔ تے رَئی تے مکر نئیں کر دی۔

تُہاڈے وِچوں سیانا تے سمجھ والا کون اے؟ جیہڑا اجیہا ہوئے اوہ اپنے کمّاں نُوں نیک چال چَلّن دی راہِیں اوس حلِیمی نال ظاہر کرے جیہڑی حِکمت وِچوں پَیدا ہوندی اے۔

تے صُلح کران والیاں لئی نیکی دا پَھل صُلح نال بِیجیا جاندا اے۔

ایس واسطے جِتّھے ساڑا تے جُدائی ہوندی اے اوتھے فساد تے ہر طرح دا بُرا کمّ وی ہوندا اے۔

ایسے نال اسی خُداوند تے باپ دی وڈیائی کرنے آں تے ایسے نال ای اسی بندیاں نُوں جیہڑے خُدا دی صُورت اُتّے بنائے گئے نیں بد دُعا دینے آں۔ اِکّی مُنھ توں نیک دُعا تے بد دُعا نِکلدی اے۔ میرے بھراؤ! ایہہ نئیں ہونا چاہیدا۔

جِیبھ وی اِک اَگ اے۔ جِیبھ ساڈے انگاں وِچوں شرارت دا اِک جہان اے تے سارے بدن نُوں پلِیت کر دی اے تے ساری دُنیا نُوں اَگ لاندی اے۔ تے دوزخ دی اَگ نال بَلدی رہندی اے۔

تے جِیبھ نُوں کوئی قابُو نئیں کر سکدا اوہ اِک بلا اے جیہڑی ڈکی نئیں جاندی۔ مار چھڈن والے زہر نال بھری ہوئی اے۔

میرے بھراؤ! تُہاڈے وِچوں بتھیرے اُستاد نا بنن کیوں جو اسی جاننے آں۔ پئی اسی جیہڑے اُستاد آں وَدّھ سزا پاں گے۔