Popular Bible Verses from ۱-پطرس 3

Share

سگوں مسِیح نُوں خُداوند جان کے اپنے دِلاں وِچ پاک سمجھو۔ تے جیہڑا تُہاڈے کولوں تُہاڈی آس دا سبّب پُچھے اوہدا جواب دین لئی ہر ویلے تیار رہو پر حلِیمی تے خَوف نال۔ تے نِیّت وی نیک رکھو۔ تاں جو جِنہاں گلّاں وِچ تُہاڈے اُتّے عیب لایا جاندا اے۔ اوہناں وِچ اوہ لوک شرمندے ہون جیہڑے تُہاڈے مسِیح وِچ نیک روَئیے اُتّے طعنے دیندے نیں۔

کیوں جو خُداوند دِیاں اَکھّیاں راستبازاں ولّ نیں تے اوہدے کنّ اوہناں دِیاں دُعاواں ولّ نیں۔ پر بدکار خُداوند دی نظر وِچ نیں۔

تے تُہاڈی سجاوٹ وکھالے دی نا ہوئے پئی سِر گُندنا تے سونے دے گہنے تے کپڑے۔ سگوں تُہاڈے دِل دی چُھپی ہوئی اِنسانِیّت نرمی تے حلِیمی دی نا ناس ہون والی سجاوٹ نال سَجی رہے۔ کیوں جو خُدا دے کول ایہدی بتھیری قدر اے۔

جیہڑا زِندگی توں خُوش ہونا تے چنگے دِن ویکھنے چاہندا اے اوہ زبان نُوں بدی توں تے مُنھ نُوں مکر دی گلّ آکھن توں موڑے۔ بدی توں لانبھے رہے تے نیکی کر دا رہے۔ صُلح لَبّھدا رہے تے اوہدا پِچھّا کر دا رہے۔

چھیکڑلی گلّ ایہہ اے۔ پئی سارے اِک دِل تے ہمدرد ہوؤ۔ بھراواں وانگر مُحبّت کرو۔ نرم دِل تے نِیویں رہو۔ بدی دے بدلے بدی نا کرو۔ تے گال دے بدلے گال نا دیو۔ سگوں برکت منگو۔ کیوں جو تُسی برکت دے وارث ہون لئی سَدّے گئے ہو۔

جے تُسی شَوق نال نیکی کرو۔ تے تُہاڈے نال بدی کیہڑا کرن والا اے؟

بدی توں لانبھے رہے تے نیکی کر دا رہے۔ صُلح لَبّھدا رہے تے اوہدا پِچھّا کر دا رہے۔

کیوں جو جے خُدا دی ایہو مرضی ہوئے پئی تُسی بھلا کر کے دُکھ سَہو تے اوہ بُرا کر کے دُکھ سہن نالوں چَنگا اے۔