Popular Bible Verses from ROMA 14

Share

Allah Ninikni weregma nit At umalikisi welaheyonen suburu men ik men narukon fam wirim tuk fug teg. Pikir ane turuk lit mangno roho werehon men Allah hime fanowon nunubam weregma nenehiyeg toho wereg ane ari eneg wirim tuk teg. Ap sa ihi ane ari hikit toho turuk lit Kristus amingmingangge welaruhu halug Allahn oho fano perukmu aben oho at fahet fano peruk lamuhup.

Nonoluk welaheyon Nonoweyen tohon nonoluk welahe. War atuk laheyon oho Nonoweyen tohon war atuk lahe. Nonoluk welahe ane oho war atuk lahe ane oho Nonowe inggikmu eneg welahe.

Nonori men mangno roho wereg lit let-ler atuk lit ninine atuk ane yami ruruk lamuhuk.

Nori, ari fahet nit nonori men unggum nunubam embelug kong-kong atuk lamuhuk fug. Nonori helep fam henelenggen kik toho fuk tuhup tohon helep atog kema sap teberuk lamuhup fug. Ihiyon ari fahet wenggel haruk lamok.

Teko lahu ane fahet haharoho imbibahon tu, ”Ap obog toho nalukema enelenggen fam hur amuhupteg it obog tohowen An wel naptuk lamuhuben An tem toho noluk welahiyonen nele uruk lahi ulug Ninikni awene aru hiyag hisaruk lahi.” Ari roho werehen Allahn nit kapal nisarukmu niren wal taneg turuk lahe ane fahet nininggarehen wal taneg Allah fam hebeloho hiyag utuk lamuhuk.

Nori, Allah wene fahet fano holtuk angge famen ubam wenggel haruk ane inine elehon arimano inindi nonghong isa fug angge hinindi enesug lamuhup.

Ap amuwon amingmingangge wereg angge famen nungge fahet hat san unggum angginon ubam embemin peruk lahen? At ino in atuk ane men mako wamburuk ane men obog toho inggareg Ikni ino inggikmu wereg. Allah inggiken at ino aho reg lit weregma mondabi unduhuk laruhu.