Popular Bible Verses from ROMA 13

Share

Siyahon hinindimu kuhu rohon heneliliyangge fam henebe hal taruk lamuhup fug. Nonowe Yesus Kristus ubam werehon eneg wan turuk lamuhup.

Ap ekeyen let heneptuk halug hiren oho hebeloho ler eneptuk lit paleg angge reg inap hag toho welamuhup fug. Paleg angge fahet hinindi wenggel ha fug angge hinindi enesug lamuhup. Ap sa ori indi enesug lit wereg ahun ino Musa wene fam haharehon hikit toho turuk laruhu.

Ap suwon onori fer enesuhon arimano ap obog tohowen enele holtuk lamuhup. Onori fer enesuhon arimano Allahn tam perisiyon hikit toho in atusa. Ap fano fer enesug lamuhup ulug ap suwon Allahn unduhuk feserisi.

Hup humanoho atlug sakan tik ohoma wereg lit hik tegman turuk ane mondabi ho roho embeselug Allah asehen ineyon ino hininggikmu wep toho foroho lamek.

Inindi enesug lit werehon arimanowen onori fam siyag ane tuk fug teg. Musa wene isaluwag hag toho weregma onori inindi enesug ane aru ahanuk hag toho wereg.

Ap obog toho og isa hag tohon eneg og isaruk lamuhup: Uang heng henebuk hag tohon eneg og isaruk lamuhup. Uang embelug lalihip uk hag tohon eneg embelug laruk lamuhup. Henekol toho welam hag tohon eneg henekol toho welamuhup. Hi enebuk hag tohon eneg hi eneptuk lamuhup.