Popular Bible Verses from Efesios 4

Share

Per nzhaal: wen gak be lesla be ne be tub be stub be, yenlazh be kwaan nawent kwaan mle stub xaa lo be, modxa mchee Dios re jwalt cheen be, kwent cheen kwaan mle Jesucrist.

Natot gu yalxwa, nadoo gok gu, byela gu ne gu tub gu stub gu, mod nzhaal kela gu tub gu stub gu

Nu naniit be wdizh nawent, nebse nzhaal nii be wdizh wen, kwaan nle yudar stub xaa kwaan nkenzha xtizh be, zee nye zo xaa lo Dios.

Laa be: re kwaan nawent, re xyan, re yalnayii, dil, re mod nzhekla be gawyix be sa myet be.

Chelee be yii be, nanzhaalt yii be dub zhe, zee nalet be tub kwaan nawent, nu sbaa nanzaat be diizh lo Maxuu.

Laa be mod mle be yilo, kwaan tira nawent nak. Nzhaal chee be mod le be xgab, nu gak be tub xaa kub, nel Dios mdexkwaa be zee wlipa zo be nali nu nzhul lo xaa.

nu tubka blaa gu nabeyy Mbi Naban lextoo rese gu, zee chul kwi gu.

Nu mselazh xaa kwaan lo rese xaa xaa. Mzaa xaa lo lak xaa zee kayaa xaa yalnabeyy lo xaa, nu mzaa xaa lo zlak xaa zee zaa xaa kwent kwaan nzhé Dios lo lee xaa, nu mzaa xaa lo zlak xaa zee zaa xaa kwent cheen wdizh chul lo re xaa zer labeyya, nu mzaa xaa lo zlak xaa zee gak xaa xaa kanap re xaa Jesús, nu mzaa xaa lo zlak xaa zee gak maestr zee luu xaa xtizh Dios. Nu snee mle xaa zee re be, xaa mle nambey Jesús, kano kwaan nkin be kee be xchiin Dios, nu nye zo be lo Dios, axta gorna rese be, xaa ngwii lo Jesucrist, kwi wen, nu axta labeyy wen be Xgann Dios, nu axta gorna nye zo be lo Dios, nu axta gorna tira nabeyy Jesucrist leen lextoo be.

Kwaanzee nagaktra be mod xaawin, xaa nanyet nzo. Nanzhaalt le be krer xtizh re xaa nzhekla kade be, re xaa nzhekla luux be; zee nagakt be mod tub kano kwaan ngitno nistoo. Per nzhaal nii be re kwaan wli kwaan yalnkela, nu nzhaal nyera zo be lo Jesucrist, xaa nak xaa nabeyy lo rese be.