Popular Bible Verses from ԹԻՒՔ Գլուխ ԺԳ

Share

Եւ Ամաղէկ բնակեալ էր յերկրին ընդ հարաւակողմն. եւ Քետացին եւ Խեւացին՝՝ եւ Յեբուսացին եւ Ամովրհացին բնակեալ են առ լերամբքն, եւ Քանանացին առ ծովեզերբն եւ առ Յորդանանաւ։

Եւ զարհուրեցուցին երկրաւն զոր լրտեսեցին՝ զորդիսն Իսրայելի եւ ասեն. Երկիրն ընդ որ մեք անցաք լրտեսել զնա, երկիր մարդածախ է բնակչաց իւրոց. եւ ամենայն ազգն զոր տեսաք ի նմա՝ արք յաղթահասակք են.

Լռեցոյց Քաղէբ զժողովուրդն ի Մովսիսէ, եւ ասէ ցնոսա. Ոչ այդպէս է. այլ՝՝ ելանելով ելցուք եւ ժառանգեսցուք զնա. զի կարօղ եմք յաղթել նոցա։

Եւ արքն որ ընդ նմա երթեալ էին՝ ասէին. Ոչ ելցուք, քանզի ոչ կարեմք երթալ ի վերայ ազգին զի զօրագոյն քան զմեզ է յոյժ։

եւ հասեալ եկին առ Մովսէս եւ առ Ահարոն, եւ առ ամենայն ժողովուրդ որդւոցն Իսրայելի յանապատն Փառան Կադէս. եւ ետուն նոցա զրոյց եւ ամենայն ժողովրդեանն. եւ ցուցին զպտուղ երկրին։

Եւ պատմեցին նմա, եւ ասեն ցնա. Չոգաք յերկիրն յոր առաքեցեր զմեզ. երկիր՝ որ բղխէ զկաթն եւ զմեղր, եւ այս է պտուղ նորա։

Բայց ազգն սաստիկ էր որ բնակեալ էին ի նմա, եւ քաղաքք ամուրք եւ պարսպաւորք եւ մեծամեծք յոյժ. եւ զազգն Ենակայ տեսաք անդ։

Եւ դարձան անդրէն որդիքն Իսրայելի՝՝ լրտեսեալ զերկիրն յետ աւուրց քառասնից.