Popular Bible Verses from ROMA 12

Share

Àmbi namatu-duya na lawiti-na na pinu tana yiana. Pahia-nyawa i Ala ka na-pabidi-ya na lurimi, ka peku panjilungu-mi. Ba timi nu ingalangu papinya na pambuha-na i Ala – nu jàka nggàraya na mahàmu na maliya na etina dàngu na ma-lànyapu.

Angu dedi! Kanjupu hàmuya i Ala lai nyuta. Tuna nuduka hi karai pambana-kai, kai maraku wànya na lurimi, ka maraku luri pa-pahinggilu-ya ndumana i Ala dàngu na maliya na etina. Tuna numa bàdi na lumungu-mi lai Ala.

Monu-nyawa i Miri ba dàngu hawola-mi, pa-torungu-ma la handukami, dàngu pamukarungu pahama-yangu.

Àmbu pahia-dunya na wikimu ka natalu-ya paraï ma-akatu, tàka màtawa kau talu wànya mahàmu na ma-akatu.

Màtawa kai maràngga pambuha weli etingu dua wikimi, hama tuna ma-paangu dedingu-kai daa la hau kuru uma, dàngu kai maràngga pama-ngilungu la patembi.

Màta ka ma-langatàka-ya na mbuhangu-mi. Karaü-nyawa eti na ma-akatu dàngu ka-dupulu-maya na mahàmu.

Pamukarungu-ma la pa-pawiti-nya na papeku-mi la panggolu-mi dàngu mbuu ndàbana na tauka.

Dou da angu dedinggu duku! Màtangu langatàka àru patungu kiringu, màta bianya duna i Ala ka na-patàkangu hukungu. Nadu ba ninya na pa-tulihu la Huratu Matua, “Nyunggama ma-palimba-nya Nyunggama napa mahuku-nya, wàna i Miri,” na mawàna.

Iràmawa dàngu maràna-mi. Àmbi mayaudu. Ràmawa la ndumana i Miri ba dàngu ringgitu-mi rukuna na Ngahuna i Ala.

Mbàda wua-nangga-nyaka na pana-munguna i Ala. Tuna nuduka hi kupanau ndàbanggai angu dedi: Àmbi kaka-duya na wikimi bai rihi pajangga welingu la tudana. Màtawa kai kaka wikimi ba dàngu pawa-wangumi wikimi; bai kaka wikimi ni-mbihumi pa-namatu-manya na tuda àtalu pawuana i Ala rukuna na pawai lai Yehu Karitu.

Na tau na mawunda ma-akatu lai nyimi, àmbi papapa wadunya ma-akatu. Wunda-yawa jàka nggàraya na mahàmu la kanandingu tau mbuu ndàbana.

Màtawa kai luri mambiru dàngga angumi. Àmbi jangga eti la nggoda nggà-dukumi, tàka màtawa kai pa-oringu la tau mangia wawa. Àmbi kakadu wikimi ba narihi na pingumi welingu la tuda pingumi.

Tàka nyimi dimi hauya duna jàka manjuu-nanya na papamu, wua-bianya ka nangangu; jàka madau-nanya, wua bianya ka na-ngunungu. Nadu ba tamunya nu tumunya na pa-makia wàna.

Karaiwa lai Ala ka na-paliri-nja kanyuru da tau da mambana etida lai nyimi. Langatàka, karaiya i Ala ka na-pakanyuru-ha àmbu ràtungu-du. Hawola dànjawa da tau da ma-hawola, dàngu hii dànjawa da tau da mahii.

Màla àru kai pa-ndulangu la papa-tomaya na manjaka-nja da tau Karitu hawiangu dàngu iyema hàmu etiha la umami da ariyaa panda tandami, nu da angu dedi angu pawainda.

Na ihi daanda dadangu da anggotana. Nimbihu-da nuda da anggota ni - ninguma duda wai ngerada. Tuna numbu nyuta. Jiapa-kai ka tadangu hau ihi daa-anda mbuu ndàbanda, maa ba ta-mbulungu-du lai Karitu. Dàngu nimbihu-nda nyuta ta-maràngga papuingu dua wikinda ba anggota la hau ihi daa-ata.