Popular Bible Verses from MATIU 28

Share

Jia-duya nu milaku-wa la mbuu ndàbana na banjaru la nggubulu pinu tana, kai tuha nyuda ma-kikungu lai Nyungga. Parunu-nja bai wàngu patiki-ya na tamuna i Ama, i Ana dàngu Ngahuna i Ala. Papeka hàlanja nyuda la panunju ndàba-ha da pareta pambàda wua-nggunggai nyimi. Dàngu kanandi-nya, napa Nyungga ku-karia mànunggai lundu hupu njàpu rehi,” wàna.

Hi nalua lihinja paraï-na i Yehu, hi napeka-nja, “Mbuu ndàbana na kuaha la awangu dàngu la tana pa-pakata hàlangu-yaka lai Nyungga.

Nuna na papalewa napanii-nja da kawini, “Àmbi mangàdatu! Nyungga kupinya nyimi ba himbu-minya i Yehu na pa-harikangu. Nyuna nda ni-anyapa yiahu. Na-hadangu-ka hama tuna na pambàda paniina àmangu. Mai kai tàngaru-ya na ngia pa-bànjalu-ya, wànanja.

“Àmbi mangàdatu,” hi wànanja paraïna i Yehu, “lakuwa kai pekanja da angu dedinggu ka dalaku la Nggalilia; lai nu napa ka daita-ka,” wànanja.

Ka batangu-danyaka da ratu kapala dàngu da ama bokulu Yahundi, hàla hi dawua-nja ba hau da bia-daka da àmahu la tanatara manggangu, hi dapanii-nja, “Màta kai panii nyimi, da makiku-nya i Yehu damai la rudungu hi da-manganga-ya na metina i Yehu, ba talànga katuda-ma nyuma, wàmi bia. Tàka jàka narongu na nggumbunuru na rukuna nuna, nyuma duma ma-pamanda-nya ka àmbi hunggu ngga - nggàra ma-kalutu nyimi,” wàdanja. Ka kei-danjaka nuda da àmahu paraï da tanatara manggangu, tàka hi dawànya hama tuna na pa-paihi-danja nyuda. Jia ba tuna nuduka na rukuna nuna hi nakada pangala-nya la honga tau Yahundi lundu la lodu nàhu.