Popular Bible Verses from MATIU 24

Share

Na akatu na-làmbatu mbana eti hi lupa nadangu na tau na manda hili pi-anyapa pa-pambuhangu. Tàka na tau na ma-pajàrungu lundu njàpuna, napa jia-yaka na pa-pamara.

Na Lii Mànangu rukuna jàka nggikina ba na-pareta i Ala, pa-bobaru-ya napa la pinu tana nggubulu-na, ka peku ronguna mbuu ndàbana na tau. Hàlaka nu hinaka hi jiaya na rehi hupu njàpuna.”

Napa mirongu riu raü ma-pakabungu dàngu lii pabera lai nu - lai nu, na nyuna àmbi mangàdatu-du. Nadu nudaka mbuu ndàbada ba datumbu-mapa bàdi, ba tuna nda jia-aya na rehi hupu njàpuna.

Na hau banjaru napa na-pabera dànya na hili hau banjaru, na hau nanggara napa nahada-nya na hili hau nanggara. La nggi - nggi napa natumbu na rimbangu dàngu na upungu. Nunaka hina-apa na-pakiringu, hama tuna na katiu na papàda-na na kawini mahangga-nya na habola-na.

Na awangu dàngu na tana napa na-molungu, tàka na pulunggu napa na-palupangu lundu nu - nu,’ wàna.

Nadu ba nadangu na tau haromu na mamai wànya na tamunggu hi dapanii, ‘Nyungga Hanganji Mapamà-nanguka!’ wàda. Dangu tau pa-panyonga-da.

Ba tunaka nu napa nyimi payapa-kai hi dapuli-nggai la pa-mayila-kai dàngu la pa-pameti-kai. Na pinu tana nggubulu-na napa da-karaü-nggai eti, lumuna bai kikungga. La rehi nu dangu tau ma-kandulingu, na ma-pakalekangu dàngu na ma-pakaraüngu eti dua wikida. Dangu wunangu kabàli napa ma-mumuku, hi da-panyonga-ya na tau dangu.

Nahema i Yehu, “Rimangu, ka àmbu ningudu ma-panyonga-kai.

Jia nu, màta nyimi kai rimangu-padua. Nadu na Ana Tau ba natàka wàngu la rehi panda mbutimi nyimi.”

Jia, rimangu, nadu ba ndai pinya pirangu napa na Mirimi ba natàka.

“Nda ningu mapinya pirangu na loduna dàngu na njàmuna, da papalewa la awangu ndia, na Ana Ala ndiambu, mbulungu i Ama-a na mapinya.

Nadu napa ba mumuku-danyaka da mapamà-nangu kabàli, dàngu da wunangu kabàli. Nyuda napa da-patumbu pawunda - pawunda manda ningu hamangu, dàngu pa-hangàtarungu pa-panyonga wàngu, jàka pekuna, na banjaru-na i Alambu.

Jàka namai napa na Ana Tau, na hadana hama tuna la rehina i Nuhu la handàka-na. La lodu - lodu ba ndedi naiwa bokulu, na tau ngangu ngunungu-danya dàngu lalei mangoma-danya. Tuna nu mànu hi lupa tomaya na lodu tamana i Nuhu la kapalu. Ba na-làndahu-njaka iwa nyuda mbuu ndàbada, hinaka hi dapàda-nya jàka nggàraya na matumbu. Tuna nu na hadana napa jàka natàka na Ana Tau.