Popular Bible Verses from YAHAYA 54

Share

Na nyuna nimbihu-da da madàka da patuku ka ndubaku-kau nyumu, nda jia luhungu-ada. Dàngu nimbihu-da da pa-panjala wàngukau la hangga ma-patandangu ngera napa mu-wuangu-ma dumu mbuti ba njala-danya. Napa Nyungga kuwua juanja patalu wàngu da atanggu,” nuya napanii-na i MIRI.

Jiapa-kai ka da-yoyangu da palindi dàngu da tandula, nda jia jiaka-anggu la pambuha-nggau nyumu. Na pa-njanjingu la pa-papeku na patura-nggu ku-pamàndu-manya duku,” wàna i MIRI na mambuha-nggau nyumu.

Àmbu mangàdatu, nyumu napa nda pahili pa-makia-akaupa; nda pa-paakangu-akaupa hiu kamakihu. Napa nyumu mu-maromba-nya na nda tuturu-mu ba bidi taukau; dàngu ndau namu-ayapa na didi mehakau ba kawini meti leikau.

Na ma-padika-nggau beri lei-munyaka, i Ala matua la Ihirailu jiaya na ma-pamàna-nggau. I MIRI Mahupu-mbiha nuya na tamuna, Nyuna Ala ma-kuaha pa-nggubulu awangu-ya.

Palera-njawa da maü tera ngia pa-ngiangu-mu; pamalai-ha da likuda dàngu pamàndu-nja da kanditiku-da!

Mbuu ndàbada da ma-mandapu-nggau jia-haka da pa-ajaru-nggu, napa nyuda daluri mbokaru daluri peku.

Ndedi pira mandai-ana ba ku-handaluru-nggau nyumu ruku mbumbaru-na na ma-karaü. Tàka wàngu mbuhangu ma-palupangu ba kumbuha-nggau nyumu,” wàna. Nuya na paniina i Ala ma-pamàna-nggau.

“Ana hambàdiku-ana ba kutuu kajia-kau nyumu; tàka wàngu kanjupu mbuha-nggunggau kupiti belikau.

“Hama tuna la rehina i Nuhu ba ku-paràndingu ba nda nahilu lumburu-anyapa iwa obungu na pinu tana, tuna numbu nàhu ba kuràndi-ya ba nda kuhilu mbeni jàka ndia la pahilu pangàdu-nggai nyimi.

Da tindingu-mu napa ku-pahada wànja watu ndalima, da pindu bokulu-mu kuwànja watu kalilangu, da kangeli-mu kuwànja ma - màtu watu itangu.