Popular Bible Verses from IMBARANI 2

Share

Dàngu rukuna ba mbàda pàdangu-naka mayila dàngu ba mbàda kamanyaka, peku ndula-nahaka da tau da pa-kamangu, maa ba pambàda kamangu duya Nyuna wiki dàngu ba mbàda mayila-naka.

Rukuda da tau nu ananggu-nja ba wànanja, ba tau ma-ngalangu pameti-ha, ka pa-hamangu-nanyaka wikina i Yehu dàngu nyuda hi naluri la huri tau. Nu hi tuna nu na pawunda-na, ka peku pa-làjaru-nanya i Kambàliku na ma-kuaha-ya na pameti wàngu rukuna na metina Nyuna.

Tuna nuduka hi lupangu ta-pamàndu langatàka-manjaka bàdi da lii papekangu pambàda rongunda, ka àmbu ta-pambelingu welingu la pawainda.

Na ihina nuna lupangu nahama-manja bàdi la ngga - nggàra da angu dedina, wàna duka nu. Nu ba tuna nu peku-naka panjadi Ratu Bokulu ma-tuturu dàngu mamila etina. Wàngu lumungu-na na matuna nuduka hi peku jàmangu-da da njalana na tau.

Tàka mbàda ita-ndanyaka ba na-kuaha i Yehu! Nda nggi tuna-a mandaina Nyuna ba pawawa-ya hawutu welingu la papalewa. Màtawa ba ruku hàmu etina i Ala ka peku meti lumu-nanya nggubulu-na na tau pinu tana. Taita-ya nàhu Nyuna pa-wuangu-ya ngia pa-mandapu ma-bunjuku dàngu patembi, nadu ba mbàda mayila lundu meti-naka.