Popular Bible Verses from IMBARANI 1

Share

Nyuna na ma-patapanjiru-ya na mangunju-na i Ala na maji - jilana; Nyuna jiaya na ninu maüna na hada wikina i Ala. Nyunambu na maopa wànya pulu mbiha mendina, hi kiri undungu-na mbutana na hanggubu awangu. Nu ba nahàla-ka pa-pahàla-ya na tau welingu la njalana-naka, ka mandapu-nanyaka la kanjàka pareta la awangu, ba na-mandapu dànya i Ala, Ma-kawaha na mahupu-jangga.

La rehi la handàka-na ma - màtu ngarangia pawàna i Ala, ba napanii danja da boku la mangilu-nda la ngaruda da wunangu. Tàka nàhu la rehi malamiri panii-nanyaka lai nyuta la ngaru Anana. Rukuna yiana na Anana hi na-padika-nya na pa-nggubulu awangu mbuta-na paraïna i Ala. Dàngu mbàda kawuku-nanyaka i Ala ba na Anana yiana-maka manduma-nya mbuu ndàbana.

Jàka tuna nu, ka nggàra-haka duda da papalewa? Nyuda jiaha da ngahu malumu-nya i Ala dàngu da pa-paràha-na pandula-ha da tau da manduma-nya na mànangu ngeru.

Napanii-mbu i Ala, “Nyumu, dou Miri, la kawunga-na mu-padika-nya na tana, dàngu Nyumu wikima maruku limanya na awangu. Nuda mbuu ndàbada napa da-molungu-ha, dàngu dambora hama tuna paki; tàka Nyumu dumu ndau panjilungu-a.