Popular Bible Verses from NGGALATIA 3

Share

Na nyuna i Karitu na-pamara-ta welingu la ràtungu-na na uku anggama, ba nawàngu pa-pajàmangu wikina la ràtungu lumunda nyuta. Maa ba ninya na pa-tulihu la Huratu Matua, Pa-ràtungu-ya na tau na mameti pa-tiwalungu la ai, na mawàna.

La ngerana yiana nda ningu-apa hekangu-da da tau Yahundi dàngu da tau nda Yahundi, da ata dàngu da tau marandeka, da tau mini dàngu da tau kawini. Maa ba mbulungu-minyaka rukuna i Karitu Yehu.

Jàka manguna i Karitu-kai ana umbuku-na i Ambarahàmu-dukai. Tàka hii ngalanya napa na panjanji-na i Ala.

Hi tuna nu na pawunda-na i Karitu, ka peku wuangu-mbuya la tau nda Yahundi na kanyuru panjanji-na i Ala lai Ambarahàmu. Nu ba tuna, nyutambu mapawai lai Ala peku ngala-ndanyaka na Ngahu na panjanji-na i Ala.

Nda ana haàtu-a ma-pahàmungu beli dàngu i Ala rukuna ba na-pahàra-nya na uku anggama. Nuna nu pambàda jakarungu-mayaka la Huratu Matua, “Na tau mapawai lai Ala hi nahàmu beli na papuingu-na dàngu i Ala, jia-aya duna napa na maluri!” mbàda wàna-maka.