Popular Bible Verses from YAHAKIALU 33

Share

Paniinja nyuda ba ku-harangu wàngu tamu wikinggu Nyungga, Ala maluri MIRI Hupu Majangga, nda nahàmu-a na etinggu Nyungga jàka nameti na tau akatu; na nyuna ku-rinjungu ka na dunjaku-nja da njalana ka pa-daingu lurina. Ha dimi tau Ihirailu pànjangu-wa pawunda akatu! Ka nggikina hi lupangu mi-mbuhangu pameti? wàmunja.

Ha dumu tau nda payatangu, kuwotu-kau nyumu panjadi matanggu daiya na banjaru Ihirailu. Patàka-njawa nyuda yiana ka panamu-nja

Jàkau panamu-nya nuna na tau akatu tàka nda na-pànjangu-a nyuna pawunda ma-akatu, napa nyuna na-pameti tau njalangu, tàka nyumu wiki mara-munya dumu napa,” wànangga.

Tàka na nyuna jàka naita-ya paraïna nuna na madai ba nàmungu muhu tàka hi nda na-palingu biaya na tanda hanggàmaru, hi na-pameti-ha muhu nuda da tau njala, na matanggu-nya hemana na metida nyuda ku-karuhi-ya lai nyuna.

Jàka nggamu marongu-ya nuna na tanda hanggàmaru tàka hi nda na-kawela-nya, ba natàka-ka na muhu hi na-pameti-ya, ka meti-nanyaka ruku njala wikina. Ngera hama tuna jàka naeti wànya nuna na tanda hanggàmaru, jianguma ba peku marana.