Popular Bible Verses from YAHAKIALU 18

Share

Nda nahàmu-a na etinggu jàka nameti na haàtu tau. Dunjaku-njawa da njalami ka pa-daingu lurimi. Nyungga yia MIRI Hupu Majangga mambàda panii,” wàna.

Na tau na mawunda manjala, jiaya duna napa na mameti. Na ana nda lupangu-a ka na-handepa-ha da njala amana, na njàngana, na ama nda lupangu-a ka na-handepa-ha da njala anana. Na tau hàmu napa na-ngalangu limba hàmu ruku pawunda-na na mahàmu. Tàka na tau akatu napa napàda-nya na wunda akatu-na.

Pànja-njawa mbuu ndàba da akatu pawunda-mi tàka màtawa ka nabidi na kanandingu dàngu na etimi. Ka nggikina hi lupangu imeti?

Màla nu la pa-ngàdangu-mu nahàmu ihu na etinggu Nyungga MIRI Hupu Majangga jàka nameti na tau akatu? Ndia langatàka-ma! Kurinju-nya ka namàta-nja da njalana ka pa-daingu lurina.

Jàka nda nahili wunda manjala na haàtu tau akatu, dàngu hi na-pakiringu pa-karadaku-nja da u - ukunggu, dàngu ka nawunda mahàmu dàngu ma-padeningu, nyuna nda nameti-a.

Na-patundungu la hupu liinggu dàngu na-manundu la u - ukunggu. Na tau tungu nu jiaya na ma-padeningu dàngu napa na-padaingu paluri. Nyungga yia, MIRI Hupu Majangga mambàda panii.