Popular Bible Verses from LUHU 15

Share

Napanii i MIRI, “Karadaku weli etingu-wa lai Nyungga, dàngu wunda-hawa da mahàmu ba wànggu; nunju-hawa mbuu ndàba da hupu liinggu. Jàka timi nu, nyimi napa nda kuhuku wa-ànggainja da panyaki da pa-panggàna-nggunja da tau Mehiru. Nyungga duku MIRI-ka ma-pamàlaru-kai nyimi,” wànanja.

I MIRI ma-kahiri-ka na-kapàru; Nyuna-maka na ma-pamara-ka. Nyuna Ala-nggunya ka kuwotu-nya Nyuna wànggu, i Ala na palumu-da da bokunggu la mangilu, ku pa-mangunju-ya.

Nggi Ala-kiya na menjamu Nyumu, dou MIRI Mahupu-mangarangu dàngu ma-matua? Nggamu na mamàka patuu pa-hangàtarungu dàngu ma-patumbu ma-bokulu hamana i MIRI?

Mu-kapipi-ya na banjaru na pambàda pamara-mu yiana, nadu bau tuturu la patura la panjanji-mu. Wàngu kodi màkamu bau opanja nyuda, hi mulonda limaha la tana matua-mu.

Nu ka tàka-danyaka la hau pangia na ma-tamungu Mara, na nyuna na wai lai nu paita nda ukuya, hi nda peku la paunu-nya. Jia-duya Mara hi wàdanya lai nu, paita, wàna-duka nu. Ka panii hoputu-nanyaka tau i Muha, hi da paàra-nya, “Nggàraka paunu-nda yia?” wàdanya. Ka hamaya pa-mbanangu-nanyaka i Muha, tàka i MIRI hi na-paita-nya na ha-katiri na ai. Na ai nuna nanduha-ya i Muha daa la wai, ka kàba-nanyaka na wai, hi peku ununya. La pangia lai nu i MIRI ba nawua-njaha da kalaratu dàngu lai numbu ba nakama-nja.