Popular Bible Verses from NDANIALU 2

Share

“I Ala na-manggàna dàngu narihi talu, pa-wotungu-ya Nyuna lundu nu - nu! Nyuna ma-kawuku ndaungu dàngu rehi, Nyuna na ma-kunggulungu dàngu na mawotu maningu kawahangu. Hili Nyunamai na ma-wuangu manggàna, dàngu ma-pakeingu kanandingu ma-jàngapu. Nyuna nabuwa ma-kawiningu ma-tanjiku halawàla. Nyuna napiinya mbuu ndàba na matumbu la kanjidingu. Nyuna na-maringgi-nya hambila.

Nahema i Ndanialu, “Ou na miringgu, nda ningua tau pingu, mapingu alimu, ma-manyura jàka ndia mapingu kandunu ma-ngalangu papeka-nggaunya nuna miri. Na nyuna la awangu ninya i Ala ma-ngalangu pabuwa-ya mbuu ndàba na ma-makawiningu, dàngu mbàda paniina-nggaunyaka nyumu miri jàka nggàraya na matumbu la rehi malamiri. Nàhu, pahia-nggawa ka ku-pahabola-ya na manggadipangu dàngu na harii matamu bau mahuru nyumu miri.

La rehi pareta-da nuda da maràmba, i Ala la awangu natura-ya na hau pa-maràmba na ma-torungu lundu nu - nu dàngu nggàra banjaru bia nda jia ngalangu-ana pa-pakàku-ya. Na pa-maràmba nuna napa na-pakabu na-pamija-ha nuda mbuu ndàba da pa-maràmba hawiangu.