Popular Bible Verses from 1 PETURU 4

Share

Na marihi welingu la mbuu ndàbana, màtawa kai pa-mbuhangu langatàka-ma dàngga angumi, nadu na maràngga pa-mbuhangu-mi na-palaku kariangu-mbu na maràngga pandàdangu-mi njala.

Nimbihu-mi nyimi mbàda ngala-minjaka da pawua-nanggai i Ala tuda ndumami haàtu - haàtu. Jia ba tuna ba ma-tanara mahàmu-kai, la pa-tanara-ha da pawua-na i Ala màtawa wànya na àtalu-mi nuna kai kambuhi-nya na-pahàmu wàmi ba jia ndàbakai.

Na tau na ma-patàkangu pulungu, màtawa ka na-patàkangu pulungu welingu lai Ala; na tau na ma-lumungu anguna, màtawa ka na-lumungu wàngu àtalu welingu lai Ala, ka peku pa-bunjuku-ya i Ala la ngga - nggàra bia rukuna i Yehu Karitu. Nyunaya duna na ma-kuaha dàngu na ma-ràkangu ka pa-bunjuku-ya lundu nu - nu. Amingu.

Tàka jàkai pàdangu mayila ba tau Karitu-kai, àmbi makia wàdunya. Màtawa kai pamalangu-nya i Ala, ba laku ngàndi-minya na tamuna i Karitu.

Na hupu njàpuna mbuu ndàbana mareni-amanaka, jia ba tuna nu màtawa kai roputu wikimi dàngu kai rimangu, ka peku hamayangu-mi.

Oi angu dedi pa-mbuhangu! Lalu mayila-kai nàhu ba kamanggai. Tàka àmbi maratangu-du, ba hama jiangui nggàna-nanggai manda ràkangu. Màla, màtawa kai hawola, ba mayila karia-minya i Karitu. Ka peku hanggela hawola-mi taï la rapa wuwana na bunjuku-na i Karitu.

Màtawa kai maràngga panggepi ariyaangu la umami haàtu - haàtu, dàngu nda kambunguku-mi.

Jia ba tuna nu, jàka ningu tau ma-pàdangu mayila nunjuya na pambuha-na i Ala, màtawa ka daluri tànji dàngu ka da-pakatangu wikida la Ma-padika-nja. Napa Nyuna na-patutu padeni mànu-manya na panjanji-na.

Ba mbàda pàdangu-dunaka mayila i Karitu la tolu, lupangu-ka bàdi ka jiaya na pa-ngàdangu tungu nu na pa-kapingatu wàmi wikimi. Nadu na tau na ma-pàdangu mayila la tolu, ba nda nahili tuapa manjala. Jia ba tuna nu, màtawa kai nunjuya na pambuha-na i Ala ba talànga luri-mipa la pinu tana dàngu ba nda jia-aya na pambuha tolu na panunju-mi.

Utu-mami-nyaka jàka pa-paakangu-kai rukuna bai tundunya i Karitu. Nu na Ngahu bunjuku, na Ngahuna i Ala ba nidunya lai nyimi.