Popular Bible Verses from 1 PETURU 5

Share

Pabuku ndàba-nyawa i Ala na pa-handuka-mika, nadu ba ihili-mananggai.

Tàka bai hàla-kika pa-pàdangu mayila, i Ala wikima duna ngeru na ma-palànyapu-kai. Nyunama duna na ma-pakapànduku-kai dàngu na ma-paàtalu-kai dàngu na ma-pakapingatu-kai. Nadu ba Ala ma-panamungu-maya duna, na mambàda paaunggai la papàda-nya na bunjuku-na Nyuna na ma-palupangu lai Karitu.

Màtawa kai pawàla dàngu kai rimangu padua! Nadu i Kambàliku ba jiaya na papami. Nyuna beri hingaya na malaku winggirungu ba nga - ngaüna ba nahimbu pahoba-na. Màtawa kai rawaku wànya pawaimi ma-màndungu, maa ba pi-diminya na mayila tungu nu pa-panggànangu-mbuha da angumi patau i Karitu la pa-nggubulu awangu.

Jia ba tuna nu, pa-wawangu-wa wikimi la lima àtalu-na i Ala, ka peku pajangga-nanggai ngeru jàka jia-yaka na rehina.

Tuna numbu nyimi dimi angu dedi, bidi tau. Màtawa kai karuduku hangganja da ma-kaweda. Màtawa kai pa-wawangu wikimi mbutami dàngu kai maràngga pa-nggumangu dua wikimi wàngu karàda etimi. Nadu daa la Huratu Matua ba tuna yia na pa-tulihu: “I Ala napapa-nya na tau ngànjangu, tàka namila-nya eti na tau karàda eti,” ba wàna.