Popular Bible Verses from 1 KORINITU 11

Share

Tuna numbui ba hàla pangangu, napiti-ya na kaba wai angguru hi napanii, “Na angguru yiana jia-yaka na pa-ràndingu bidina i Ala, na pa-pakaràngi wàngu wai rianggu. Handàka unu - handàka unuminya yiana, màta kai wànya kai namu wàngga,” wàna. Tubangu-ma, handàka nga - handàka ngaminya na roti dàngu bai ununya na wai angguru yiana, nyimi bobaru-minya na metina i Miri, hi lupa namai beli.

Nadu na pa-ajaru-nggunggai, nuna pangalanggu welingu lai Miri wiki-maya: la rudungu nu ba jiaya na kaleka-nya i Yehu, na Mirinda, napiti-ya na roti, dàngu ba nahàla-ka pa-pamalangu-nya i Ala ba jiaya na roti, kawita - wita wàna-nyaka limana, hàla hi napanii, “Yiana jiaya na taunggu na papajàmangu ndumami nyimi. Wànyawa yiana kai namu wàngga,” wàna.

Jiaduya, haàtu - haàtu nakinju pàku bàdi wikina, ka namangu panganya na roti dàngu paunu-nya na angguru. Nadu na tau jàka nangangu roti dàngu jàka na-unungu angguru dàngu nda wàrihu-nanya na pamangu nuna ba ma-deningu la tauna i Miriya, na tau nuna ba nangangu ba na-unungu ngalangu-nanya hukungu-na i Ala la tàda ihi wikina.

Jia-duyaka nu, na tau na mangangu rotina i Miri jàka ndia na ma-unungu angguru-na i Miri dàngu nda wànguna huri maràka-na, na tau nuna nanjala hanggangu lai Miri, na mambàda pa-kameti wàngu wikina dàngu tolu dàngu riana.

Tundu-nyawa na ngerangu-nggu nyungga, hama tuna nyungga duku ba kutundunya na ngerangu-na i Karitu.