Popular Bible Verses from Matius 16

Share

Asogo mo’gulesirik e, at osi iak wogu legesa a’ge ebano mesik disogo mo’gulentesi, “At ap sa en an ne’berlik nese leigoluk holuk e, ebabut u’gwarek paget ede ’burl welat tiso a’ge ai, Nebit, oluk ukpoluk, e pam edikpoluk warenebiso a’ge ai agan a’geat woluk ne’berlik nese leigoluk wemak o.

Ye, mesik emin mo’gulheik. Hat honuk helep u ’gela’ge, Petrus o. Ye, helep ia yu pam he’bisogo re, an nosi odoksogo onoboluk o ’gela’ge wusogo enebaik holuk e, at opma ogodima eiye a’ge ano en ningsogo tenentarok welema erlak o.

At Allah en eragam enebasuam ’gogumu eba, ’goduk horogwi a’ge kunci hat wokheik o. Hat en, ’gwiangma yema a’ge paget togup no yo o, oluk, wene ’balogun holuk e, ’bogorl pam a’ge en ogo wene ’balegei ’gela’geat ua o. Ye, hat en ’gwiangma yema tu op oluk ogun holuk e, ’bogorl pam a’ge en ogo op egei ’gela’geat ua o,” oluk Petrus mo’gulesi.

Ye, ap sa u’gwarek en, An nebe nelaluk wolom nagai yo, oluk ebe erlele hwerlasu holuk e, waremarik e, nal ema o. A’ge re, ap sa en ebe erlele hwerlasu erlak an nebaget warago holuk e, ebe erlele horlouwa o.

Ap sa en di a’ge yu a’ge ’gwiangma a’ge ’berlegat eiye ema a’geat de, pobuk ebe nal emarik holuk e, at en e, An mesik elit sabusogo pagathwerlegi, oluk u no? Modok erlak o. Ebe nal ema ai ebalema re, no’gwe a’ge e’birek o’go dip tu no. Mia o.

Asogo mo’gulegisema, at Yesus en e, “Is en asogo ogwi a’geat de, his en nak e, an nebaget e, sa opogu legep no,” oluk mo’gulentesimu, at Simon Petrus ano en e, “Hat hebe re, Kristus Allah elaluk modok welago a’ge omlogo, nis delnonobuagoluk at en perakpou weigoluk obok mo’gulnentesi a’ge anoat o,” oluk mo’gulesi.

Asogo mo’gulesimu, at Yesus en e, “Simon Yona omlogo not o. Aphwami en mo’gulhegisema e’gen erlak o. We, an naik ’bogorl pam a’ge en mo’gulhesimu e’gen ani o. Holuk e, hogola hagai hasu lemen o.