Popular Bible Verses from Yoel 2

Share

Asogo mo’gulentegismu, at Nenaik ’gain Onuk Logo a’ge en e, disogo egei, “Asogo a’geat de, yogodak henede pam en togolik ne’bek manis o. Asogo wagalat e, so’boru no erlakma en se’banat ogulat, ngi togwi nge togwi, togu lemis o.

Asogo mo’gulentesirik, mesik disogo egei, “Asogo lai lotlukmu en an nowi ai dakha osoam e, an Narogun loksogo aphwami ’berlegat enebam ’belagonobou weik o. Asogo ’belabagonobou agoam e, eneiyagai ap emin, hwelani emin, enemin en an niak mo’gulontogu lema o. Ye, enarlue a’ge enabi hogulat, ap souwe enabi ’gela’ge hogulat, togu lemayat o.

His en e, Nis wiak togu lege ai nebit e, oluk honosum ’buktak a’ge derlep tu erlakma en, we, henede wathorlomup o,” oluk mo’gulentesi. Asogo mo’gulentesimu, an en e, disogo mo’gulentegis, “Nenaik ’gain Allah Onuk Logo a’ge ebabut op en e, edeap enebiselat, ebam haro perleneat ligom pukmu en epe mosogo welat, ede hwedik modok welat, wene wiak a’ge enebam pasu erlak wiak togwi a’ge sebelogo ukpasulat, tago ai en e, henede asogo wathorloluk, henebe henebabut heberlogoat wogomup o.

Asogo a’geat de, sa en an henaik ’gain Nonuk Logo a’ge nonuk ’balua a’ge nagat ’berlegat an en delenebik o. An henaik ’gain Nonuk Logo a’ge en eselat e, An neiyagai ado enelaluk welema a’ge poligenebegi a’ge nak, o Yerusalem dom Sion pam oruakma delenebik o,” oluk egei.

o mo hik eselat, dugwi orogole mep ’gela’ge agalat, tua o. Asogo ’berlegat lai louwa ai re, an henaik nowi logo onogorlok a’ge dakha ua ai, owan we dakha u erlak oruakhwe naduk-nadugat ema ai o.