Popular Bible Verses from 2 Timotius 2

Share

Allah en e, “Hat an nebaget op taga legen,” oluk, mo’gulhemagoluk e, hannisogoat taga lomup o. Is logon di a’ge yu a’ge tuagoluk yo’go onobogwiam e, opsogo togulat, ene’gerli erlaksogo togwi ai ’gela’ge, hat en dem wene aiat hegitsogo mo’gulentasu lomup o.

Ai en e, hat e, is ap souwe a’ge en enebam aganhan agoam wiak togwi a’ge ai ukpoluk, hweiye lasu lomup o. Is aphwami logon enede mesigat op welat nonue ’gain Onuk Logo a’ge yo’go pogwi a’ge ai enemin la’bulogo wolomup o. Eneminat hegitsogo tagalat, hede Allah ebam he’berik welat, aphwami enebe enedesogo welat, aphwami enemin lioksogo welat, togwi ai a’geat motluk lasu lomup o.

At ap sa en nonue ’gain Onuk Logo a’ge paget tagalat e, asogo tu puk o. We, aphwami ’berlegat ebabut lioksogo enemin wolom o. Epe mosogo welat, aphwami wene opsogo mo’gulentasulom o.

A’ge re, at u’gwarek en, “An nebabut naduk welegi a’ge ai erlak o, oluk muat meneniso erlak ai en, nis at ebam lo’boktak wolomul erlak holuk, at en nis nenebam modok lo’boktagat welago yo,” oluk ogwi ai demat o.

Asogo mo’gulentasuam e, is aphwami logon en e, at iak sebeluogoluk togwiam, at en iak lioksogoat enesa’go weriselom o. Asogo enesa’go werisoam, is wiak togwi a’ge ukpoluk, dem wene ai wouwagoluk, Allah en enede ’gagalua ya? erlak a, oluk enesa’go werisolom o.

A’ge re, is aphwami logon en dem wene ai erlakmayat, we ’burlat, erlak ema a’ge paget ogwi ai, ukpoluk ’gwi-’gwani lasu lomup o. Is ai asogo ogulat, Allah ebe ukpoluk hegil-hegil ’bok lebagaiat o.