Popular Bible Verses from OROMA 1

Share

Obeelom wone ti Ala omaawi aret me, aa'nduk it Yakuri mendek inom, ti'nuk, peebi Yunani mendek inom, aakumi abok aret abet mbakwi iinok, inagap ndake menggerak me, wone obeelom wone ti, an nagabiti lek logonet yokkirage agarik o.

”Aap ambi abet mbake kenok, Ala nen obeelom agago pemenggerak me, eenik aret logogin o,” yinuk, yereegerak liiru mbanak nogo ti, Ala nen nonggop togon aakumi iniki koonogo obeelom eeginake menggerak nogo wone obeelom wone ti paga aret nineenu age menggerak. Ala nen aakumi obeelom eeginake nogo ti, abet mbakwi paga mban aret o.

Maan Ala nen o yi wakkagagerak kuli paga nen, yi mendek ndi mendek wakkagagerak nogo paga, Ala eebe omaawi ambik mondok itok menggerak kin koorak aret wonagagerak kwe, kaga'lek wonogogwaarak me, it aakumi nen inaane'le mbanggolaawok nduk, wone onggo yuurak lek aret.

It Ala ineenu aret logonet kwe, ”Ti at Ala aret o,” yinuk, wogoppugwi, ”Ala nogoba wa,” yinuk, keyage wakwi, eekalek logonet, iniki lek negen we ugun aret koonit nugwi me, it iniki o apit negen kobak aago wonogwe.

Ala eebe abet aret wonage wone nogo, mbo punuk, pilit aret, ”Ala ndogop wonage o,” yinuk, waganggo nagaatik, ogobakkigika abet aret mondok-mondok wogoppogo logorak nogo ti, mbo punuk, yi mendek ndi mendek ogobakkigirik nogo mendek mban alut eerogo wogoppogo nogogwaarak.

It aakumi iniki maluk nen maluk mban eerit nogo logonet, Ala ndogop menggerak wone aakumi waganggwi iyo nduk, non mbambiigo menggaarak me, Ala agi mbogut paga nen anini wuppi wagaatak kin age paga nineenu age menggerak.

Togop eeko nogogwaarak me, iniki nen nengge nogo mugurok nogwe paga inenggali kaawak nduk, Ala nen teppiyareegerak. Teppiyareegerak logonet, it aap nen kumi aret piginako menggaarak kwe, it aap-aap aret aganggen eeginake kenok, inenggali lek aret wut-wut yogwe, ndi, it kumi nen aap iigak, kumi mban-mban wut-wut yogwe, eeko menggaarak ti, eeriyak kagak, alik mendek eeko menggaarak me, Ala nen onggo maluk aret eeginake menggerak. Ndi, it nen, ”Ala ti abet aret wonage,” yuurak ineebi mbako nogogwaarak paga, iniki lek negen a'nuk, eeriyak lek mendek kagak, eeko logowak nduk, Ala nen pulunogo mbo piyareegerak.

It nogo nen, ”Nit abok nineenu aret o,” yinuk, wogoppatit nugwi kwe, ineenggo'lek wi negen logonet agan nugwi o. At Ala eenik itok mondok menggerak wogoppogo menggaarak nogo mbo punuk, obaane'me aakumi inom, towepagi inom, woret-waalo inom initinggen ndak-ndak ogobakkigirogo punuk, wogoppogo menggaarak.